გუშინ საზოგადოება დროებითი საგამოძიებო კომისიის სხდომაზე უსმენდა აგენტის აღსარებას - გახარიამ პრაქტიკულად, საზოგადოებას ირიბად თუ პირდაპირ, გადაუშალა გული - მოხდა მისი სრული ლუსტრაცია, - ამის შესახებ საპროცედურო საკითხთა და წესების კომიტეტის თავმჯდომარემ, დავით მათიკაშვილმა ჟურნალისტებთან განაცხადა.

მისი თქმით, გუშინ, გახარიამ თავიდან ბოლომდე დაადასტურა ყველა ის ძალიან მძიმე ბრალდება, რომელიც მის მიმართ არსებობდა.

ამასთან, მათიკაშვილი ამბობს, რომ გახარია ტყუილების ლაბირინთში გაიბლანდა.

„გუშინ, საზოგადოება მრავალი საათის განმავლობაში, დროებითი საგამოძიებო კომისიის სხდომაზე უსმენდა აგენტის აღსარებას. მან პრაქტიკულად, საზოგადოებას ირიბად თუ პირდაპირ, გადაუშალა გული. მოხდა მისი სრული ლუსტრაცია, რაზეც ჩვენ არაერთგზის, უკვე წლებია, ვსაუბრობთ, თუ რა ქმედებებით უღალატა თავის დროზე მან საკუთარ გუნდს, სამშობლოს, გაიზიარა და გაატარა უცხო ძალის ინტერესი. ნაცვლად იმისა, რომ როგორც პრემიერ-მინისტრს, საქართველოს კონსტიტუციის შესაბამისად ემოქმედა, ყველაფერი გააკეთა იმისთვის, რომ ქვეყანა არეულობაში და ქაოსში ჩაბმულიყო. ის ძალიან ცდილობდა, რომ თავი აერიდებინა პირდაპირი პასუხებისთვის, თუმცა აბსოლუტურად ყველა მიმართულებით დადასტურდა გიორგი გახარიას ქმედებებში შეცდომები, გადაცდომები და დანაშაულები.

გუშინდელი დღე იყო აღსარება გიორგი გახარიასი, რომელმაც თავიდან ბოლომდე დაადასტურა ყველა ის ძალიან მძიმე ბრალდებები, რომელიც მის მიმართ არსებობდა,“ - განაცხადა მათიკაშვილმა.

ავტორი: ექსპრესნიუსი,

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა