რეგიონული განვითარების სამინისტრო, სავარაუდოდ, კიდევ უფრო მეტი კორუფციული სქემისთვის მზადება - იმისთვის, რომ უფრო მეტი ფული მოპაროს ქართველ ხალხს ბიძინა ივანიშვილმა და მისმა დანაშაულებრივმა, კრიმინალურმა სინდიკატმა, - ამის შესახებ ამის შესახებ განაცხადა „ერთიანობა ნაციონალური მოძრაობის” თავმჯდომარემ, თინა ბოკუჩავამ განაცხადა, რითაც მთავრობის საკადრო ცვლილებებს გამოეხმაურა.

მისივე თქმით, ქართველი ხალხი ბიძინა ივანიშვილს და მის მინისტრებს ძალაუფლებას ჩამოაშორებს.

„რეგიონული განვითარების სამინისტრო, სავარაუდოდ, კიდევ უფრო მეტი კორუფციული სქემისთვის მზადება. იმისთვის, რომ უფრო მეტი ფული მოპაროს ქართველ ხალხს ბიძინა ივანიშვილმა და მისმა დანაშაულებრივმა კრიმინალურმა სინდიკატმა. თუმცა დამერწმუნეთ, რომ დიდხანს ეს სამთავრობო კარუსელი ვერ გასტანს იმიტომ, რომ განაჩენი ქართველ ხალხს უკვე გამოტანილი აქვს, ივანიშვილის კოლაბორაციონისტი, მოღალატე ხელისუფლების მიმართ და ყველა მის მინისტრს, ასევე, თავად ბიძინა ივანიშვილს ქართველი ხალხი ძალაუფლებას ჩამოაშორებს და ქვეყანა ნორმალურ, დემოკრატიულ განვითარების კალაპოტს დაუბრუნდება”, - განაცხადა ბოკუჩავამ.

გარდა ამისა, ბოკუჩავა პარლამენტში შექმნილ საგამოძიებო კომისიის მუშაობას გამოეხმაურა და აღნიშნა, რომ „ღალატის კომისია საქართველოს უახლესი ისტორიის რუსული ვერსიით გადაწერას ემსახურება”.

„ჩვენი ქვეყნის ყველაზე ბნელ, საბჭოთა წარსულს დაუბრუნდა ეს არალეგიტიმური პარლამენტი და შენობა. მათ შორის, საბჭოთა კომისრის რეინკარნირებული ვერსია, ჯალათი თეა წულუკიანის სახით და ნებისმიერი სხვა, რომელიც ემსახურება არა საქართველოს დემოკრატიულ, სუვერენულ დამოუკიდებელ ინტერესებს და იმ მიზნებს, რომელიც 1991 წლიდან ქართველ ერს და ხალხს აერთიანებს, არამედ, საბჭოთა ოკუპანტების და დამპყრობლების ინტერესებს. ეს არის ის, რაც დღეს ბიძინა ივანიშვილის რეჟიმს ამოძრავებს. შესაბამისად, ნებისმიერი კომისია, ახალი კანონი, თუ ნებისმიერი სხვა აქტი ემსახურება, სწორედ ამ მოღალატეობრივ ინტერესს.

ღალატის კომისია საქართველოს უახლესი ისტორიის რუსული ვერსიით გადაწერას ემსახურება. მათ შორის, კონკრეტულად 2008 წლის ომთან დაკავშირებით, ჰააგას და სტრასბურგის გადაწყვეტილების რევიზირებას, მაგრამ ამავდროულად, რა თქმა უნდა, ღალატის კომისია სხვა მიზნებსაც ემსახურება, რომ დააშინოს, დათრგუნოს ხალხი და მათ შორის, ოპოზიციონერი ლიდერები. თუმცა ვერცერთ ამ მოღალატეობრივ მიზანს ღალატის კომისია ჯალათი, თეა წულუკიანის ხელმძღვანელობით ვერ მიაღწევს. იმიტომ, რომ ამ კომისიით ვერავის შეაშინებენ; ვერ მოახდენენ ჰააგას და სტრასბურგის გადაწყვეტილების რევიზირებას და საქართველოს თანამედროვე ისტორიის რუსული ვერსიით გადაწერას”, - განაცხადა ბოკუჩავამ.

ავტორი: ექსპრესნიუსი,

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები