შვედეთი უკრაინას 16 მილიარდი შვედური კრონის (დაახლოებით 1.59 მილიარდი დოლარი) ღირებულების სამხედრო დახმარების პაკეტს გადასცემს. ამის შესახებ სკანდინავიური ქვეყნის თავდაცვის მინისტრმა პალ ჯონსონმა განაცხადა. 

ეს სტოკჰოლმის მიერ კიევისთვის გადაცემული ყველაზე მსხვილი დახმარების პაკეტი იქნება. 16 მილიარდი კრონიდან 9.2 მილიარდით (დაახლოებით 910 მილიონი დოლარი) შვედეთის თავდაცვის მასალების ადმინისტრაცია უკრაინისთვის სამხედრო აღჭურვილობას შეიძენს. 

შვედეთის თავდაცვის ძალების განცხადებით, პაკეტი დაეხმარება უკრაინის საჰაერო თავდაცვის, საარტილერიო, სატელიტური კომუნიკაციებისა და საზღვაო ძალების შესაძლებლობებს. 

შვედეთის მთავრობას აქამდე უთქვამს, რომ მიმდინარე წელს უკრაინისთვის გადასაცემი სამხედრო დახმარების მოცულობას გაზრდის. 

2025 წელს შვედეთის ბიუჯეტიდან კიევისთვის ნაცვლად ადრე დაგეგმილი 25 მილიარდი კრონისა, 40 მილიარდი კრონა გამოიყოფა. 

"ჩვენ მადლიერები ვართ ჩვენი შვედი მეგობრების მიმართ მათი ურყევი მხარდაჭერისთვის. ერთად ჩვენ უფრო ძლიერები ვართ!" - განაცხადეს უკრაინის თავდაცვის ძალებში. 

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო