აშშ-ის პრეზიდენტის საგანგებო წარმომადგენელი უკრაინასა და რუსეთში, კით კელოგი, ცეცხლის შეწყვეტის შესახებ მაღალი დონის მოლაპარაკებებს ჩამოაშორეს, რუსეთის წინააღმდეგობის გათვალისწინებით , ინფორმაციას NBC News აშშ-ის ადმინისტრაციასა და რუს ოფიციალურ პირზე დაყრდნობით ავრცელებს.

გადამდგარი გენერალი "საეჭვოდ არ იმყოფებოდა" საუდის არაბეთში გამართულ შეხვედრებზე - თებერვალში რუს მომლაპარაკებლებთან, ასევე მიმდინარე კვირაში უკრაინელებთან - მიუხედავად იმისა, რომ მოლაპარაკებები მისი კომპეტენციის სფეროა, იხსენებს NBC.

ტელეკომპანიასთან საუბარში წყარო რუსეთიდან ირწმუნება, რომ რუსეთის პრეზიდენტმა ვლადიმირ პუტინმა კელოგი ძალიან პროუკრაინულად განწყობილად მიიჩნია.

ტრამპის ადმინისტრაციის წარმომადგენელმა NBC-ს დაუდასტურა, რომ რუსეთს არ სურდა კელოგის ჩართვა, წყაროსთვის უცნობია, როდის შეატყობინეს ეს თეთრ სახლს. კელოგის ოფისმა კომენტარზე უარი განაცხადა.

80 წლის კით კელოგი დონალდ ტრამპის ერთგული მხარდამჭერია, მას ტრამპის პრეზიდენტობის პირველ დავაში სხვადასხვა თანამდებობები ეკავა.

აშშ-ის საგანგებო წარგზავნილმა უკრაინაში, კით კელოგმა 20 თებერვალს კიევში შეხვედრის დროს უკრაინის პრეზიდენტს, ვოლოდიმირ ზელენსკის უწოდა „მეომარი ქვეყნის მამაცი ლიდერი“.

კელოგმა ამჯერადაც გაიმეორა, რომ „ნამდვილად აღფრთოვანებულია ზელენსკით“.

ავტორი: ექსპრესნიუსი,

სოციალური ქსელები

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა