ძალიან ფართო კონსენსუსი ჩნდება, რომ უკრაინის უსაფრთხოების პირველი გარანტია, ცხადია, თავად უკრაინის არმიაა, - ამის შესახებ საფრანგეთის თავდაცვის საქმეთა მინისტრმა, სებასტიან ლეკორნუმ პარიზში ხუთი ევროპული ქვეყნის თავდაცვის ლიდერების შეხვედრის შემდეგ განაცხადა.

„ჩნდება სიტყვა "დემილიტარიზაცია", მაგრამ ეს ასე არ არის. პირიქით, გრძელვადიანი უსაფრთხოების რეალური გარანტია იქნება ის შესაძლებლობები, რაც ჩვენ შეგვიძლია მივცეთ უკრაინის არმიას", - დასძინა სებასტიან ლეკორნუმ.

მისი თქმით, გენერალური შტაბის უფროსებმა დაიწყეს ვარიანტების შემუშავება, რათა წარუდგინონ პოლიტიკურ ლიდერებს მოკლე ან საშუალოვადიან პერსპექტივაში, თუ როგორი შეიძლება იყოს უსაფრთხოების არქიტექტურა ხანგრძლივი მშვიდობისთვის, ან თუნდაც ცეცხლის შეწყვეტისთვის.

საფრანგეთის თავდაცვის სამინისტროს ხელმძღვანელის თქმით, ამ ეტაპზე დაახლოებით თხუთმეტმა ქვეყანამ გამოავლინა ინტერესი ამ პროცესის გაგრძელების მიმართ.

შეგახსენებთ, ხუთი ევროპული ქვეყნის - საფრანგეთის, გაერთიანებული სამეფოს, გერმანიის, იტალიისა და პოლონეთის - თავდაცვის მინისტრებმა გუშინ პარიზში ევროპის უსაფრთხოებისა და უკრაინის დახმარების საკითხებზე მოლაპარაკებები გამართეს.

ავტორი: ექსპრესნიუსი,

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი