აშშ-ის ტარიფების საპასუხოდ კანადა 25%-იან ტარიფებს შემოიღებს დაახლოებით 30 მილიარდი აშშ დოლარის ღირებულების ამერიკულ იმპორტზე. ამის შესახებ განცხადება კანადის ფინანსთა მინისტრმა, დომინიკ ლებლანმა გაავრცელა.

“ვაცხადებ, რომ კანადის მთავრობა დოლარი-დოლარისთვის მიდგომით, ხვალ, 2025 წლის 13 მარტს, 12:01 საათიდან დააწესებს საპასუხო ტარიფებს შეერთებული შტატებიდან დამატებით 29.8 მილიარდი აშშ დოლარის იმპორტზე.

ეს მოიცავს 12.6 მილიარდი აშშ დოლარის ღირებულების ფოლადის პროდუქციას და 3 მილიარდი აშშ დოლარის ალუმინის პროდუქციას, ასევე, დამატებით 14.2 მილიარდი აშშ დოლარის იმპორტირებულ ამერიკულ საქონელს, რაც ჯამში 29.8 მილიარდი აშშ დოლარი გამოდის. დამატებით საქონელს, რომელსაც საპასუხო ტარიფები შეეხება, მოიცავს კომპიუტერებს, სპორტულ აღჭურვილობასა და თუჯის პროდუქციას”, - განაცხადა ლებლანმა.

ცნობისთვის, მანამდე აშშ-ის პრეზიდენტმა დონალდ ტრამპმა გამოაცხადა 25%-იანი ტარიფები კანადიდან იმპორტირებულ ფოლადსა და ალუმინზე.

ავტორი: ექსპრესნიუსი,

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი