2025-03-12 14:25:06, 632 ნახვა
საზოგადოება
ედუარდ შევარდნაძის ხელისუფლების სპეცდანიშნულების რაზმის ხელმძღვანელი თემურ მღებრიშვილი გარდაიცვალა
ახლობლების ინფორმაციით, პოლიციის პოლკოვნიკი, ედუარდ შევარდნაძის ხელისუფლების სპეცდანიშნულების რაზმის ხელმძღვანელი თემურ მღებრიშვილი გარდაიცვალა.
აღნიშნულის შესახებ „ფეისბუქზე“ პირველი პრეზიდენტის,ზვიად გამსახურდიას ვაჟი, გიორგი გამსახურდიაც წერს.
„გარდა იმისა, რომ [თემურ მღებრიშვილი] იყო პროფესიონალი პოლიციელი, მიუხედავად მისი, საყოველთაო და უსამართლო დემონიზებისა, იყო ასევე ძალიან დადებითი, პოზიტიური და უკეთილშობილესი ადამიანი“, - წერს გამსახურდია.
თემურ მღებრიშვილი 90-იან წლებში ხელმძღვანელობდა სპეციალური დანიშნულების რაზმს, რომელიც იმჟამად საპროტესტო აქციებს უპირისპირდებოდა.
ავტორი: ექსპრესნიუსი,
epn.ge (@expressnews.ge)
