რუსეთის საგარეო საქმეთა მინისტრი სერგეი ლავროვი აცხადებს, რომ მოსკოვში ეუთო-ს გენერალურ მდივანთან ფერიდუნ სინირლიოღლუსთან შეხვედრისას უკრაინაში კონფლიქტის დარეგულირების გზები განიხილა. ამის შესახებ მან შეხვედრის შემდეგ გამართულ პრესკონფერენციაზე განაცხადა.

„ჩვენ ვისაუბრეთ იმაზე, თუ როგორ იქნება შესაძლებელი უკრაინაში კონფლიქტის დარეგულირება“, – აღნიშნა ლავროვმა.

რუსეთის საგარეო საქმეთა მინისტრის თქმით, ამასთან დაკავშირებით რუსეთის პოზიცია ნათელია.

„პრეზიდენტი პუტინი ხაზს უსვამდა საკუთარ მზადყოფნას მოლაპარაკებებისთვის და იმ პრინციპებს, რომელთა უგულებელყოფა შეუძლებელია, თუ ამ კონფლიქტის საიმედო დარეგულირება გვსურს, მისი საწყისი მიზეზების აღმოფხვრით“, – განაცხადა თქვა სერგეი ლავროვმა.

მისი თქმით, რუსეთი გააგრძელებს ამ საკითხის განხილვას აშშ-სთან და ყველასთან კონტაქტით, ვინც მზად არის, ხელი შეუწყოს დარეგულირებას. ამასთან, ლავროვმა აღნიშნა, რომ დარეგულირების პროცესში ეუთო-ს ჩართვის გეგმები ჯერჯერობით არ არის და თავად პროცესიც ჯერ არ დაწყებულა.

რუსი მაღალჩინოსანი ასევე უკრაინაში მშვიდობისმყოფელების განთავსების იდეას გამოეხმაურა და აღნიშნა, რომ ეს შეთავაზება ჯერჯერობით „კიევის რეჟიმის ნარჩენების გადარჩენის მცდელობას ჰგავს“.

„რა უნდა დაიცვან მშვიდობისმყოფელებმა? კიევის ნაცისტური რეჟიმის ნარჩენები, რომელმაც მიიღო რუსული კულტურის, ენის, მედიის განადგურების კანონების სერია, აკრძალა კანონიკური უკრაინული მართლმადიდებელი ეკლესია. თუ ჯერ უნდა მივაღწიოთ კიევის რეჟიმის ამ რასისტული პრაქტიკის შეწყვეტას? ჯერ ეს უნდა მოვაგვაროთ, რადგან, წინააღმდეგ შემთხვევაში, ეს გამოიყურება როგორც მშვიდობისმყოფელების განთავსებით სახალხო რისხვისგან ამ რეჟიმის ნარჩენების გადარჩენის მცდელობა“, – განაცხადა ლავროვმა.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს