"აშშ-ს დელეგაციასთან შეხვედრა ძალიან კონსტრუქციულად დაიწყო. ჩვენ ვმუშაობთ სამართლიანი და მდგრადი მშვიდობის მისაღწევად" – წერს უკრაინის პრეზიდენტის ადმინისტრაციის უფროსი, ანდრეი ერმაკი Telegram-ზე. 

"ბოლო დროინდელი მოლპარაკებები უკრაინასა და მის პარტნიორებს შორის იმედის საფუძველს იძლევა, რომ უკრაინელები ძალიან მალე დაუბრუნდებიან მშვიდობიან ცხოვრებას, რაც მათ 2014 წელს ომის დაწყებამდე, ან 2022 წელს მის ესკალაციამდე ჰქონდათ. მჯერა, რომ ამერიკის ძლიერი ლიდერობით ჩვენ ამ მიზნის მიღწევა შეგვიძლია" – წერს ერმაკი.

ერმაკის თქმით, უკრაინაში ცეცხლის შეწყვეტა მხოლოდ დიპლომატიური გზებით არ მიიღწევა, არამედ სხვა ზომებიც არის საჭირო, რათა მშვიდობა მდგრადი იყოს. 

"ეს გულისხმობს რუსეთზე პოლიტიკური და ფინანსური წნეხის მოხდენას, რათა კონფლიქტის განახლების ფასი გაიზარდოს" – წერს ერმაკი.

ერმაკის მიხედვით, უკრაინამ უნდა მიიღოს უსაფრთხოების გარანტიები, ხოლო ევროპამ უნდა გააძლიეროს სანქციები რუსეთის წინააღმდეგ და გაყინული რუსული აქტივებით უკრაინის დახმარება გააგრძელოს. 

საუდის არაბეთში აშშ-სა და უკრაინის დელეგაციებს შორის მოლაპარაკებები მიმდინარეობს. მოლაპარაკებებში წარმოდგენილი იქნებიან ერმაკი, საგარეო საქმეთა მინისტრი ანდრიი სიბიგა, თავდაცვის მინისტრი რუსტემ უმეროვი და ერმაკის მოადგილე პაველ პალისა. 

ამერიკულ მხარეს წარმოადგენენ აშშ-ს სახელმწიფო მდივანი მარკო რუბიო, თეთრი სახლის მრჩეველი ეროვნული უსაფრთხოების საკითხებში მაიკ უოლცი. ცოტა ხნის წინ გავრცელებული ინფორმაციით, აშშ-ს პრეზიდენტის სპეციალური წარმომადგენელი ახლო აღმოსავლეთში, სტივ უიტკოფი აშშ-უკრაინის მოლაპარაკებების პარალელურად მოსკოვში ჩავა და რუსეთის პრეზიდენტ ვლადიმირ პუტინს შეხვდება. 

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს