2025-03-11 09:27:27, 532 ნახვა
მსოფლიო
დონალდ ტრამპის სპეციალური წარმომადგენელი მოსკოვში ვიზიტს და ვლადიმერ პუტინთან შეხვედრას გეგმავს
აშშ-ის პრეზიდენტის, დონალდ ტრამპის სპეციალური წარმომადგენელი ახლო აღმოსავლეთის საკითხებში, სტივ უიტკოფი მოსკოვში ვიზიტს და რუსეთის პრეზიდენტ ვლადიმირ პუტინთან შეხვედრას გეგმავს, - ინფორმაციას Bloomberg-ი წყაროებზე დაყრდნობით ავრცელებს, რომლებიც გამოცემას ანონიმურობის დაცვის პირობით ესაუბრნენ.
ერთ-ერთი წყაროს თქმით, უიტკოფი მოსკოვში ამ კვირაში გაემგზავრება.
ცნობისთვის, დონალდ ტრამპის სპეციალური წარმომადგენელი ახლო აღმოსავლეთის საკითხებში ვლადიმერ პუტინს თებერვალშიც შეხვდა, რასაც ამერიკელი სკოლის მასწავლებლის, მარკ ფოგელის აშშ-ში დაბრუნება მოჰყვა, რომელსაც რუსეთის ციხეში 14 წელი ჰქონდა მისჯილი სამედიცინო დანიშნულების გამოწერილი მარიხუანას შენახვის გამო.
ავტორი: ექსპრესნიუსი,
epn.ge (@expressnews.ge)
