კანადის მმართველი ლიბერალური პარტიის ახალ თავმჯდომარედ აირჩიეს მარკ ქარნი, რომელიც ქვეყნის პრემიერ-მინისტრის თანამდებობაზე ჯასტინ ტრუდოს შეცვლის. ტრუდომ 2025 წლის იანვარში განაცხადა, რომ გადადგომის გადაწყვეტილება მიიღო.

მარკ ქარნი, რომელსაც 16 მარტს 60 წელი უსრულდება, კანადის ბანკის ყოფილი მმართველია. ქარნი კანადის გარდა, დიდი ბრიტანეთის და ირლანდიის მოქალაქეა.

ლიბერალური პარტიის თავმჯდომარის არჩევნებში, რომელიც 9 მარტს ჩატარდა, მარკ ქარნიმ ხმების 85%-ით გაიმარჯვა. არჩევნებში კიდევ ოთხი კანდიდატი მონაწილეობდა.

კანადის ლიბერალურ პარტიას მარკ ქარნის თავმჯდომარეობით მოუწევს ბრძოლა საპარლამენტო არჩევნებში, რომელიც წელს ჩატარდება.

ქარნის, როგორც პრემიერ-მინისტრს მოუწევს რთული მოლაპარაკებებიც კანადის ტრადიციულ მოკავშირე და მეგობარ ამერიკის შეერთებულ შტატებთან, რომელთანაც ურთიერთობა დაიძაბა პრეზიდენტად დონალდ ტრამპის მეორე ვადით არჩევის შემდეგ.

ტრამპმა არაერთხელ განაცხადა, რომ კანადა აშშ-ის შემადგენლობაში უნდა იყოს და პრემიერ-მინისტრი ჯასტინ ტრუდო არაერთხელ მოიხსენია „გუბერნატორად“. პრეზიდენტმა ტრამპმა გადაწყვიტა კანადასთან თავისუფალი ვაჭრობის რეჟიმი შეცვალოს 25%-იანი საბაჟო გადასახადებით. ტარიფების ამოქმედება აპრილამდეა გადადებული.

ავტორი: ექსპრესნიუსი,

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო