2025-03-08 22:02:38, 706 ნახვა
პოლიტიკა
ქალებმა რუსთაველზე მარში გამართეს, პარლამენტის წინ კი გისოსები დაწვეს
ქალთა საერთაშორისო დღეს, 8 მარტს ქალები საქართველოში საპროტესტო მარშებით ხვდებიან. საქართველოს სამ ქალაქში, თბილისში, ქუთაისსა და ბათუმში ერთდროულად იმართება ქალების მსვლელობა.
რამდენიმე წუთში ქალების მარშის მონაწილეები, რომლებმაც რესპუბლიკის მოედანზე სიმბოლურად "გისოსები" მიიტანეს, რუსთაველის გამზირისკენ დაიძვრებიან.
მარშის მონაწილეებმა პარლამენტის წინ სიმბოლურად ადგილზე მიტანილი გისოსები დაწვეს.
„მადლობა გმირი შვილების დედებს”, “ყველგან მილიცია, არსად სამართალი”, “ „გეშინოდეთ ხალხის ძალის” - სკანდირებენ ქალები.
ამ წუთებში დედაქალაქის მთავარი გამზირი გადაკეტილია - პროტესტის 101-ე დღესაც მოთხოვნა უცვლელია: დაინიშნოს ახალი არჩევნები და გათავისუფლდნენ პოლიტიკური პატიმრები.
ავტორი: ექსპრესნიუსი,
epn.ge (@expressnews.ge)
