თურქეთის საგარეო საქმეთა მინისტრის, ჰაკან ფიდანის განცხადებით, აშშ-ის პრეზიდენტის, დონალდ ტრამპის ქმედებები უნდა გახდეს „განგაშის ზარი“ ევროპისთვის, რათა შეიქმნას უსაფრთხოების სისტემა, რომელიც დამოუკიდებელი იქნება აშშ-ისა და ნატო-სგან. აღნიშნულის შესახებ ჰაკან ფიდანმა „ფაინენშალ თაიმსთან“ ინტერვიუში განაცხადა.

ფიდანის განცხადებით, ანკარა მზადაა, შეუერთდეს ევროპული უსაფრთხოების ნებისმიერ ახალ არქიტექტურას, თუ ნატო დაიშლება.

„ჯინი გამოუშვეს ბოთლიდან და არ არსებობს რაიმე გზა მის უკან დასაბრუნებლად. თუნდაც პრეზიდენტმა ტრამპმა გადაწყვიტოს, არ გაიყვანოს ჯარები ევროპიდან ახლა, არ არის გამორიცხული, მომავალში ვინმე მსგავსი შეხედულებებისა და პოლიტიკური იდეების მქონე პირმა ევროპულ უსაფრთხოებაში ამერიკის წვლილის შემცირების შესაძლებლობა განიხილოს“, – განაცხადა თურქეთის საგარეო საქმეთა მინისტრმა.

ფიდანმა, რომელიც წარსულში თურქეთის დაზვერვის უფროსის თანამდებობას იკავებდა, აღნიშნა, რომ ევროპა უნდა გაერთიანდეს და „შექმნას საკუთარი მიზიდულობის ცენტრი“.

ცნობისთვის, მანამდე თურქეთის თავდაცვის სამინისტროში განაცხადეს, რომ ანკარა მზადაა, გააგზავნოს სამხედროები უკრაინაში პოტენციური სამშვიდობო შეთანხმების დასაცავად.

ავტორი: ექსპრესნიუსი,

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა