პროტესტის 96-ე დღე, დედების მარში რუსთაველის გამზირზე შეკრებილი მომიტინგეებისკენ მიემართებიან

2025-03-03 21:18:06, 893 ნახვა

საზოგადოება

ტექსტს კითხულობს AI ასისტენტი

საქართველოს მეხუთე პრეზიდენტი სალომე ზურაბიშვილი „დედების მარშს" შეუერთდა.

ზურაბიშვილის თქმით, ის მაშინ გააკეთებს განცხადებას, როცა მსვლელობა პარლამენტის ტერიტორიისკენ გადაინაცვლებს.

„დედების მარში" მიმდინარეობს ლოზუნგით - „ჩემი შვილია, ხელი გაუშვით". მარშის მონაწილეებს ადგილზე სხვადასხვა შინაარსის ბანერები და საქართველოსა და ევროკავშირის დროშები აქვთ მიტანილი. ისინი სკანდირებენ: “ცეცხლი ოლიგარქიას”, „გაათავისუფლეთ რეჟიმის ტყვეები”.

დედების მარში დღეს სიმბოლურად, დედის დღესთან დაკავშირებით იმართება, სადაც აქციების პერიოდში დაკავებული პირების დედები, ოჯახის წევრები და მათი გულშემატკივრები მიიღებენ მონაწილეობას.

მარში ფილარმონიის ტერიტორიიდან საკანონმდებლო ორგანოსთან გადაინაცვლებს და დიდ აქციას შეუერთდება, რომელიც უკვე 96-ე დღეა, უწყვეტად მიმდინარეობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,