შსს-ს შემდეგ მობილურებში დაცული ინფორმაციის წამკითხველ მოწყობილობებზე 4 მილიონი ლარის ღირებულების კონტრაქტს სამხარაულის ექსპერტიზის ბიუროც აფორმებს. ხელშეკრულება ისრაელის კიბერუსაფრთხოების კომპანია Cellebrite-სთან გაფორმდება და მისი ღირებულება 4,134,720 ლარი იქნება. შესაბამისი კონტრაქტი გაფორმდა შპს "ქომუნალ ტექნოლოჯი"-სთან, რომელიც საქართველოში Cellebrite-ის ოფიციალური წარმომადგენელია. კომპანიის ვებგვერდის თანახმად, Cellebrite-ის სისტემები გამოიყენება ანდროიდის, ეფლის, მაიკროსოფტის, ლინუქსისა და სხვა ოპერაციულ სისტემებში დაცული მონაცემების წაკითხვისთვის.

"შესყიდვის ობიექტს წარმოადგენს კომპანია „Cellebrite“-ის წარმოების აპარატურულ-პროგრამული უზრუნველყოფების პაკეტები: Cellebrite Inseyets, Cellebrite Digital Collector და Cellebrite Inspector. რომელთაგან, ბიუროს საინფორმაციო ტექნოლოგიების და კომპიუტერული ექსპერტიზის დეპარტამენტი Cellebrite Inseyets-ს იყენებს უსაფრთხოების კოდით დაცული iOS და Android ოპერაციული სისტემის მქონე მობილური მოწყობილობების განბლოკვისათვის, ინფორმაციის ამოღება/აღდგენა/დამუშავებისათვის; ხოლო Cellebrite Digital Collector და Cellebrite Inspector გამოიყენება „Apple“-ს წარმოების კომპიუტერებიდან ინფორმაციის ამოღებისათვის და დამუშავებისათვის,"- ნათქვამია შესყიდვის აღწერაში.

შსს-ს 6.8-მილიონიანი შესყიდვის მსგავსად, ამ შესყიდვის აღწერაშიც მითითებულია, რომ თავად კომპანიისგან იქნა მიღებული შეტყობინება, რომ მათ საქართველო შესაძლოა ამოიღონ იმ ქვეყნების ჩამონათვალიდან რომლისთვისაც მომსახურების მიწოდების უფლება აქვთ, შესაბამისად სახელმწიფოს ურჩევენ მათი მომსახურებები შეიძინონ იქამდე, ვიდრე ეს მოხდება. BMG-იმ კომპანიას მიმართა კითხვით თუ რას უკავშირდება საქართველოსთვის მომსახურების მიწოდების შესაძლო დაბლოკვა, რის შესახებაც წერილში არის საუბარი.

Cellebrite-ის როლი და საერთაშორისო გამოცდილება Cellebrite-ის პროდუქტებს აქტიურად იყენებენ აშშ-ის, ევროპის და აზიის ქვეყნების სამართალდამცავი უწყებები. თუმცა, კომპანია არაერთხელ გამხდარა კრიტიკის ობიექტი იმ ქვეყნების მიერ, სადაც მისი ტექნოლოგიები სამოქალაქო თავისუფლების შეზღუდვისთვის იქნა გამოყენებული. აღნიშნულის გამო, 2021 წელს კომპანიამ რუსეთთან და ბელარუსთან პარტნიორობა შეწყვიტა.

ავტორი: ექსპრესნიუსი,

სოციალური ქსელები

ევროპამ კოლექტიური თავდაცვის გეგმის მომზადება, შეერთებული შტატების მონაწილეობის გარეშე დაიწყო

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს