საქართველოს იუსტიციის მინისტრი თეა წულუკიანი საქართველოს მოქალაქეებს ევროკავშირის გუშინდელ გადაწყვეტილებას ულოცავს, რომელიც უვიზო რეჟიმის დაწესების თაობაზე,  საკანონმდებლო ინიციატივას გულისხმობს.

წულუკიანის თქმით,  დარწმუნებულია, ევროკავშირის ქვეყნებთან უვიზო მიმოსვლა  საქართველოს ფარგლებს გარეთ მცხოვრებთა  სამშობლოსთან  კავშირს და ურთიერთობას  კიდევ უფრო მარტივს გახდის.

”მინდა ჩვენს ყველა მოქალაქეს, სოფლად, თუ ქალაქად, მივულოცო ევროკავშირის მიერ გუშინ მიღებული გადაწყვეტილება ჩვენს ქვეყანასთან დაკავშირებით. მინდა მივულოცო  ეს გადაწტყვეტილება ასევე ჩვენს ყველა მოქალაქეს, რომელიც ქვეყნის  ფარგლებს გარეთ იმყოფება და  მჯერა, რომ ევროკავშირის ქვეყნებთან უვიზო მიმოსვლა  მათ კავშირს და ურთიერთობას ჩვენს სამშობლოსთან  კიდევ უფრო მარტივს გახდის.მინდა ხაზი გავუსვა ჩვენი სამართალდამცველების  ძალისმხევას ამ დიდ წარმატებაში, რადგან მათ  თავიანთი  პროფესიონალიზმით დაარწმუნეს ჩვენი ევროპელი კოლეგები, რომ  საქართველოს მოქალაქე, რომელიც უვიზო მიმოსვლის ფარგლებში  შევა ევროკავშირის ქვეყანაში, იქნება კანონმორჩილი მოქალაქე. აქ უნდა ვიყოთ ყურადღებით, რომ როდესაც  საზღვარი გაიხსნება, არა მხოლოდ საკუთარი თავი  და ოჯახები,  არამედ ქვეყანაც არ შევარცხვინოთ,  რადგან  ევეროკავშირის ქვეყანაში შესვლა ნიშნავს ევროკავშირის მოცემული ქვეყნის კანონების განუხრელად დაცვასა და იქაური წესების პატივისცემას.

ესაა კოლექტიური ძალისხმევის შედეგი. გუშინდელი დღე ნიშნავს, რომ რამდენიმე თვეში ჩვენ  უკვე იმედი გავქვს ხელშესახები იმისა, რომ საზღვრები გაიხსნება, რომ ჩვენ შევძლებთ, მოკლევადიანი მიზნებით, იქნება ეს ტურიზმი, საზაფხულო სკოლა,  ახლობლების მონახულება, თუ უბრალოდ სიახლეების ნახვა ვიზიტორის სტატუსით, შევძლებთ  ყოველგვარი რიგების, ვიზების მოძიების და ბიუროკრატიის გარეშე ვიმოგზაუროთ ევროკავშირის ქვეყნებში. გისურვებთ რომ ჩვენ ყველას ერთად გვეშენებინოს  მომავალშიც ძლიერი ევროპული ქართული სახელმწიფო“,-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Axios: ვიტკოფი და კუშნერი ირანთან დაკავშირებულ მოლაპარაკებებში ბირთვული ექსპერტებს ჩართავენ

ევროკომისიამ რუსეთის მოქალაქეებისთვის ვიზების გაცემის გამკაცრების პირობა დადო

კრემლმა პუტინისა და გერმანიის ყოფილ კანცლერ შროდერის შეხვედრის შესახებ განაცხადა

პუტინის პასუხის შემდეგ, ზელენსკიმ რუსეთის მხრიდან საომარი მოქმედებების შეწყვეტის სურვილის არქონაზე მიუთითა და სანქციების გამკაცრებისკენ მოუწოდა