ევროკავშირის ქვეყნები უკრაინისთვის სამხედრო დახმარების პაკეტს ამზადებენ, რომელიც ერთ-ერთი უმსხვილესი იქნება რუსეთის მიერ ქვეყანაში ფართომასშტაბიანი შეჭრის დაწყების შემდეგ.

„პოლიტიკოს“ ცნობით, რომელიც სამ ევროპელ დიპლომატს ეყრდნობა, მოსალოდნელია, რომ, სულ მცირე, ექვსი მილიარდი ევროს ოდენობის დახმარების დეტალები საზოგადოებას წარედგინება ევროკომისიის წევრების კიევში ვიზიტის ფონზე, რუსეთის მიერ უკრაინის წინააღმდეგ წამოწყებული ომის წლისთავზე.

წყაროების თანახმად, პაკეტი მოიცავს ყველაფერს – 1.5 მილიონი საარტილერიო ჭურვიდან დაწყებული, საჰაერო თავდაცვის სისტემებით დასრულებული.

„ექვსი მილიარდი ევრო არის დახმარების მინიმალური თანხა, რომელიც შეიძლება, გაიზარდოს 10 მილიარდამდე და მეტადაც”, – წერს „პოლიტიკო.“

მოსალოდნელია, რომ სამხედრო მხარდაჭერის გაზრდა დაეხმარება უკრაინას, გააძლიეროს ჯარი, შეაკავოს რუსეთის თავდასხმები ფრონტის ხაზზე და დაიცვას უკრაინული ქალაქები საჰაერო თავდასხმებისგან იმ ფონზე, როცა კიევი სამშვიდობო მოლაპარაკებებისთვის ემზადება.

„ამან შეიძლება, გააძლიეროს არგუმენტები მოლაპარაკებების პროცესში ევროკავშირის ჩართვის სასარგებლოდ”, – წერს „პოლიტიკო.“

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს