15 თებერვალს, ბათუმში, „ოცნების ქალაქის“ ტერიტორიაზე ორი ბავშვი თხრილში ჩავარდა და დაიღუპა. დაღუპული არიან 4 და 5 წლის ბავშვები.
პირველადი ცნობებით, ბავშვები იმ ტერიტორიაზე ჩავარდნენ ორმოში, სადაც სამშენებლო სამუშაოები მიმდინარეობს და მათ რამდენიმე საათის განმავლობაში ეძებდნენ.
დაღუპულების შესახებ ინფორმაციას ავრცელებს ბათუმის მერიაც.
„უბედური შემთხვევა მოხდა ქალაქ ბათუმში, ფრ. ხალვაშის გამზირის #188-ის მიმდებარედ. წყლით სავსე თხრილში ორი არასრულწლოვანი ჩავარდა, საუბედუროდ, მათი გადარჩენა ვერ მოხერხდა“ – წერს მერია.
ორივე ბავშვი კლინიკაში გადაყვანის შემდეგ დაიღუპა.
„ოცნების ქალაქის“ მკვიდრი, მარინე ბერიძე, ჟურნალისტებს ეუბნება, რომ რვა წლის ბავშვებს (ასაკი დაუზუსტებელია) დღის ოთხი საათიდან ეძებდნენ ოჯახის წევრები:
„მთელი საღამო ეძებდნენ და ერთ-ერთის ბაბუამ იპოვა ჭაში ჩავარდნილები“.
ადგილობრივების ნაწილი აპროტესტებს ადგილზე ჟურნალისტების ყოფნას და მოუწოდებენ, რომ დატოვონ ტერიტორია და არ დასვან კითხვები: "რეიტინგს იმაღლებთ? გადით, დატოვეთ აქაურობა. ჩვენზე მეტად შეგტკივათ გული?"
ადგილზე მობილიზებულია პოლიცია. იყო ფიზიკური დაპირისპირების მცდელობაც.
შემთხვევის ადგილზე, კითხვების დასმის გამო, "ქართული ოცნების" რამდენიმე მომხრე "აჭარა თაიმსისა" და "ბათუმელების" მიმართ აგრესიას გამოხატავდნენ, მათ შორის ძალის გამოყენებით ტერიტორიიდან გაყავდათ ის მოქალაქეები, რომლებიც ხელისუფლების წარმომადგენლებისგან განმარტებებს ითხოვდნენ.

„უბედურება რომ მოხდება, ამას ვიძახდი. ეს მე ვიდავე და ამის გამო დამიჭირეს. მეძახეს ინტრიგანი - რა გინდა, ბინა ხომ
მიიღეო…“
მოქალაქე ვეფხვია ბერიძე ჟურნალისტს აჩვენებს გადათხრილი „ოცნების ქალაქის” კადრებს და ამბობს, რომ ბათუმში ირაკლი კობახიძის ორივე ვიზიტისას, მას საკუთარ სახლში დაადგნენ და დროებით დააკავეს, რომ „ოცნების პრემიერისთვის არ ეთქვა სიმართლე”.
„მე რომ მივიღე ბინა, სხვის შვილმა რა ქნას? ჩემი შვილი მაინც აქ მოდის, ბინა მივიღე თუ არ მივიღე… ირაკლი კობახიძე ორჯერ ჩამოვიდა და ორივეჯერ სახლიდან ამწიეს, დამაკავეს და მასეირნეს, რომ მასთანაც არ მეთქვა სიმართლე იმიტომ, რომ მე ეს ვიცოდი”

ადგილზე მობილიზებულ „ქართული ოცნების“  აქტივისტებს, ჟურნალისტმა სალომე უსტალიშვილმა შეახსენა, როგორ თხოვდნენ აწ უკვე ოცნების მხარდამჭერები ადრე ჟურნალისტებს დახმარებას. 
„ვიზიარებ ამ უმძიმეს ტრგედიას, საშინელებაა ის, რაც ე.წ ,,მუყაოს ქალაქში’’ მოხდა
ამ პოსტით მინდა მივმართო ,,ოცნების ქალაქში’’ მცხოვრებ იმ მოქალაქეებს, რომელთა გვერდიდაც მედია საშუალებები ნებისმიერ დროს იდგა!
Maiaa Roiniko, დიდი ხანია, რაც ,,ქართული ოცნების’’ ქომაგი გახდი? დიდი ხანია, რაც ტელევიზიის გამოჩენა გაღიზიანებს? შენ არ იყავი, რომელი საათიც არუნდა ყოფილიყო ტელევიიზიას, რომ ითხოვდი? და ჩვენ რას ვაკეთებდით? ნებისმიერ დროს მოვდიოდით!
მარინა ბერიძე, დიდი ხანია, რაც აჭარის მთავრობის თავმჯდომარეს არ ლანძღავ? მადლობა, რომ არსებობს არქივი, სადაც თქვენი რეალური სახე კარგად ჩანს!
პირველი ვიდეო, 2021 წლის 10 სექტემბრით თარიღდება, სადაც ,,ქართული ოცნების’’ პოლიცია სრული ამ სიტყვის მნიშვნელობით ასფალტზე გათრევთ!
მეორე ვიდეოში კი, კარგად ჩანს სახეცვლილი რეალობა!
მაიკო, მარინა - სირცხვილია! უშუალოდ თქვენ ორს იმიტომ მოგმართავთ, რომ პირადად თქვენ გქონდათ წლების განმავლობაში ჩემთან კომუნაკაცია! პირადი მიმოწერების გასაჯაროების უფლებას პირველ რიგში, პროფესია და შემდეგ სინდისი არ მაძლევს! -წერს ჟურნალისტი.

საერთაშორისო გამჭირვალობა საქართველოს აჭარის ოფისის ხელმძღვანელი მალხაზ ჭკადუა ამბობს რომ მომხდარი ტრაგედია ხელისუფლების უპასუხისმგებლობაა.

"ბავშვებს არაფერი ეშველებათ და ახლა ისე ნუ იზამთ, უბინაოდ დაგვტოვოთო", - ამ სიტყვებით პრაქტიკულად გამოაძევეს "ბათუმელები" და "აჭარა თაიმსი" შემთხვევის ადგილიდან "ოცნების" ტიტუშკებად ქცეულმა ადამიანებმა. სულხანი და ჯაბა იქ, ცხადია, ლეგიტიმურ კითხვებს უსვამდნენ ადგილზე მისულ საჯარო პირებს. გაღიზიანებულმა "ოცნებამ" დამოუკიდებელ ჟურნალისტებს ეს ადამიანები მიუქსია.
გახრწნილი კრიმინალური ბანდა, რომლის წევრები სამძიმრის ფარისევლურ პოსტებს წერენ და მეორე წუთს ბაკურიანის სპორტული ფორუმის ვიდეოებს აზიარებენ. 
ახალი კორპუსის მშენებლობის კაფსულის ჩაგდების ღონისძიებისთვის დახარჯული 206 ათასი ლარის მეათედი ღობის მოწყობაზე რომ დაგეხარჯათ, იქნებ, აგვეშორებინა თავიდან ეს თავზარდამცემი დანაკარგი: დარგის ექსპერტობა არ არის საჭირო იმის გასანაალიზებლად, რომ მიწურების გვერდით არსებული სივრცე უსაფრთხო ვერ იქნებოდა ვერც მცირეწლოვანი ბავშვებისთვის და ვერც ზრდასრულებისთვის. 
ცეცხლი კორუფციას, გულგრილობას და ოლიგარქიას“ - ამბობს ჭკადუა.

„ოცნების ქალაქში“ ტრაგედიის შემდეგ დღეს გამოჩნდა აჭარის არალეგიტიმური მთავრობის ეკონომიკის მინისტრი ჯაბა ფუტკარაძე. კითხვაზე, რატომ არ იყო ტერიტორიაზე დაცული უსაფრთხოების ზომები, მან თქვა, რომ ეს არ არის სამშენებლო არეალი და ეს ტერიტორია მდებარეობს მოშორებით იმ ადგილიდან, სადაც მეორე ეტაპის სამშენებლო სამუშაოები უნდა განხორციელდეს, თუმცა მან მოქალაქის კითხვაზე, მაშინ რატომ მუშაობდა ტრაქტორები შემოუღობავ ტერიტორიაზე, მან უპასუხა, რომ „მიმდინარეობს წინა მოსამზადებელი სამუშაოები“.
„ოცნების ქალაქში“ მშენებლობის მეორე ეტაპის „მშენებლობის საფუძვლის ჩაყრასთან დაკავშირებით სიმბოლური კაფსულის ჩაგდების ღონისძიება“ 8 თებერვალს გაიმართა. ღონისძიებაში, რომელსაც არალეგიტიმური პრემიერი ირაკლი კობახიძე და აჭარის არალეგიტიმური მთავრობის თავმჯდომარე თორნიკე რიჟვაძე ესწრებოდნენ, აჭარის ბიუჯეტიდან 209 ათასი ლარი დაიხარჯა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა