2025-02-14 10:54:14, 382 ნახვა
პოლიტიკა
სალომე ზურაბიშვილმა გერმანიის ფედერაციულ რესპუბლიკაში ვიზიტი დაიწყო
საქართველოს მე-5 პრეზიდენტმა, სალომე ზურაბიშვილმა გერმანიის ფედერაციულ რესპუბლიკაში ვიზიტი დაიწყო.
ვიზიტის ფარგლებში, სალომე ზურაბიშვილი მიუნხენის უსაფრთხოების კონფერენციის მუშაობაში მიიღებს მონაწილეობას.
საქართველოს პრეზიდენტი უმაღლესი დონის ორმხრივ შეხვედრებს ევროპის ლიდერებთან და აშშ-ის დელეგაციასთან გამართავს.
მიუნხენში შეხვედრები ევროკავშირისა და სხვა საერთაშორისო ორგანიზაციების ხელმძღვანელებთან ჩატარდება.
საქართველოს პრეზიდენტი მონაწილეობას მიიღებს მიუნხენის კონფერენციის პანელურ დისკუსიებში: ,,საქართველო ყურადღების ცენტრში“ და ,,რუსეთის ჰიბრიდული ტაქტიკა“, რომელთა ფარგლებშიც ქვეყანაში არსებულ მდგომარეობასა და გამოწვევებზე ისაუბრებს.
პრეზიდენტი მიუნხენში ქართული დიასპორის წარმომადგენლებს შეხვდება.
ავტორი: ექსპრესნიუსი,
epn.ge (@expressnews.ge)
