ფინეთის პრეზიდენტმა ალექსანდრე სტუბმა დაამტკიცა გადაწყვეტილება, რომელიც თითქმის 200 მილიონი ევროს მოცულობის სამხედრო დახმარების ახალი პაკეტის გამოყოფას ითვალისწინებს. ამის შესახებ ქვეყნის ქვეყნის თავდაცვის მინისტრმა ანტი ჰიაკკიანენმა განაცხადა.

"ჩვენ ზუსტად ისეთ მხარდაჭერას აღმოვუჩენთ, რომელიც უკრაინას ფრონტზე მწვავე სიტუაციაში თავის დაცვაში დაეხმარება. ჩვენზე, ევროპელებზეა დამოკიდებული, თუ როგორ განვითარდება უსაფრთხოება ევროპაში. უკრაინის დამოუკიდებლობისა და თავდაცვისუნარიანობის უზრუნველყოფა ახლა მთელი ამ საქმის არსებითი ნაწილია",-განაცხადა თავდაცვის მინისტრმა.

ცნობილია, რომ ეს უკვე ფინეთის მიერ უკრაინისთვის გადაცემული სამხედრო ტექნიკის 27-ე პარტიაა. ამ პარტიის ფარგლებში ფინეთის მიერ გამოყოფილი აღჭურვილობის ღირებულება დაახლოებით 198 მილიონ ევროდ არის შეფასებული.

მთლიანობაში კი ნატოს წევრმა ფინეთმა რუსეთთან ომში მყოფ უკრაინას 2.5 მილიარდი ევროს სამხედრო ტექნიკა და აღჭურვილობა გადასცა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს