"ასლან აბაშიძიდან მოყოლებული. ლოგიკურია, რომ დღევანდელი აწყვეტილი პოლიტიკური ძალმომრეობაც "ბათუმელებს" მიადგა ახლა. - ამის შესახებ ჟურნალისტმა სალომე ასათიანმა განაცხადა

"აუცილებლად მოვა დრო, როცა გამოცემა "ბათუმელების" ისტორიას ახალგაზრდა ჟურნალისტები ისწავლიან - როგორც პროფესიონალიზმის, კეთილსინდისიერების, საქმისადმი უპირობო ერთგულების იშვიათ მაგალითს, ყველა ყაიდის ავტორიტარის პირობებში - ასლან აბაშიძიდან მოყოლებული. ლოგიკურია, რომ დღევანდელი აწყვეტილი პოლიტიკური ძალმომრეობაც მათ მიადგა ახლა. მაგრამ ფუჭია ეს ყველაფერი - ამ გაბედულ და ძალაუფლებით გახრწნილ ღერძებთან დაპირისპირებაში გამობრძმედილ ხალხს ვერ შეაშინებენ. ჩემი სოლიდარობა და დიდი პატივისცემა კოლეგებს." - განაცხადა სალომე ასათიანმა.

„ბათუმელებისა“ და „ნეტგაზეთის“ დამფუძნებლისა და დირექტორის, მზია ამაღლობელის წინააღმდეგ გამოძიება დაიწყო სისხლის სამართლის კოდექსის 353 პრიმა მუხლის პირველი ნაწილით – პოლიციელზე, სპეციალური პენიტენციური სამსახურის მოსამსახურეზე ან ხელისუფლების სხვა წარმომადგენელზე ანდა საჯარო დაწესებულებაზე თავდასხმის ბრალდებით. ამის შესახებ მზია ამაღლობელის ოჯახს გამომძიებელმა აცნობა. აღნიშნული მუხლის თანახმად, „პოლიციელზე, სპეციალური პენიტენციური სამსახურის მოსამსახურეზე ან ხელისუფლების სხვა წარმომადგენელზე, ანდა მის სამსახურებრივ ან საცხოვრებელ შენობაზე, ან მის სატრანსპორტო საშუალებაზე, ანდა მისი ოჯახის წევრზე თავდასხმა პოლიციელის, სპეციალური პენიტენციური სამსახურის მოსამსახურის ან ხელისუფლების სხვა წარმომადგენლის სამსახურებრივ საქმიანობასთან დაკავშირებით, ისჯება თავისუფლების აღკვეთით ვადით ოთხიდან შვიდ წლამდე“. მზია ამაღლობელი 11-12 იანვარს ორჯერ დააკავეს ბათუმის პოლიციის მთავარ სამმართველოსთან. პირველად იგი დააკავეს სტიკერის – „გაიფიცე“ – გაკვრის გამო და დაახლოებით ორი საათის შემდეგ გამოუშვეს, თუმცა დაკავებიდან მალევე ხელახლა დააკავეს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა