2025-01-11 12:11:36, 442 ნახვა

---

თბილისის საქალაქო სასამართლოში დაკავებულთა პროცესზე ირაკლი მიმინოშვილისთვის სასწრაფო დახმარება გამოიძახეს

თბილისის საქალაქო სასამართლოში, სადაც საპროტესტო აქციების დროს ჯგუფური ძალადობის ბრალდებით დაკავებული პირების პროცესი მიმდინარეობს, ირაკლი მიმინოშვილმა უჰაერობის გამო დარბაზის დატოვება ითხოვა.

მიმდინარე პროცესზე დაკავებულების ნაწილმა წყალი მოითხოვა, თუმცა მოსამართლე ირაკლი ხუსკივაძემ ადვოკატებს შესვენების გარეშე გამოსვლის უფლება არ მისცა და წყლის მოტანა მანდატურს დაავალა.

ერთ-ერთმა დამსწრემ ადვოკატს გაუწოდა გახსნილი ბოთლი, რაზეც ადვოკატმა გუჯა ავსაჯანიშვილმა პასუხად იკითხა: „თქვენ დალევდით ასე მოწოდებულს?“. ამის შემდეგ ავსაჯანიშვილმა დარბაზი მაინც დატოვა, რომ წყალი თავად მოეტანა.

პროცესის მსვლელობისას ადვოკატმა შოთა თუთბერიძემ ირაკლი მიმინოშვილისთვის სასწრაფო დახმარება გამოიძახა, რადგან დაკავებული თავს შეუძლოდ გრძნობდა.

სასამართლო პროცესი შეფერხებებით გრძელდება. მოსამართლე ხუსკივაძე დაკავებულთა და ადვოკატების შუამდგომლობებს განიხილავს, თუმცა პროცესი კვლავ დაძაბულ ატმოსფეროში მიმდინარეობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი