2025-01-09 21:32:22, 417 ნახვა
პოლიტიკა
ილჰამ ალიევი საქართველოს პრემიერ-მინისტრს საბერიოში მომხდარი ტრაგედიის გამო სამძიმარს უცხადებს
აზერბაიჯანის პრეზიდენტი, ილჰამ ალიევი, საქართველოს პრემიერ-მინისტრ ირაკლი კობახიძეს სამძიმარს უცხადებს ოკუპირებული გალის რაიონის სოფელ საბერიოში მომხდარი ხანძრის შედეგად ხუთი ბავშვის დაღუპვის გამო.
“ბატონო პრემიერ-მინისტრო, ღრმად დამწუხრებული ვართ გალის რაიონის სოფელ საბერიოში მომხდარი ხანძრის შედეგად ხუთი ბავშვის დაღუპვის გამო. ვიზიარებ თქვენს მწუხარებას და პირადად ჩემი და აზერბაიჯანელი ხალხის სახელით გულწრფელად გისამძიმრებთ პირადად თქვენ, გარდაცვლილი ბავშვების ოჯახს, ახლობლებსა და მთელს ქართველ ხალხს”, - აღნიშნავს ილჰამ ალიევი.
ავტორი: ექსპრესნიუსი,
epn.ge (@expressnews.ge)
