2024-12-24 09:29:33, 367 ნახვა

---

ადმინისტრაცია - პრეზიდენტი ევროპელ ლიდერებსა და უსაფრთხოების პოლიტიკის საკითხებში EU-ის უმაღლეს წარმომადგენელს ესაუბრა

საქართველოს პრეზიდენტი სალომე ზურაბიშვილი ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში კაია კალასს, ჩეხეთის რესპუბლიკის პრეზიდენტ პეტრ პაველს, შვედეთის სამეფოს პრემიერ-მინისტრ ულფ კრისტერსოს, პოლონეთის რესპუბლიკის პრეზიდენტ, ანჯეი დუდასა და ლატვიის რესპუბლიკის პრეზიდენტ ედგარს რინკევიჩს ესაუბრა.

ამის შესახებ ინფორმაციას პრეზიდენტის ადმინისტრაცია ავრცელებს.

„პრეზიდენტმა ევროპელ კოლეგებს გააცნო ბიძინა ივანიშვილისადმი მისი  შეთავაზება, რაც არის კრიზისიდან ერთადერთი გამოსავალი.

შეთავაზება გულისხმობს შეხვედრას ორ მთავარ საკითხზე შესათანხმებლად, რაც არის ახალი არჩევნების თარიღი და ეუთო ოდირის დასკვნის საფუძველზე არჩევნებისთვის ახალი პირობების განსაზღვრა“,- აღნიშნულია ადმინისტრაციის ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი