უკრაინის სახელმწიფო რეესტრზე კიბერშეტევა განხორციელდა, იუსტიციის სამინისტროს სახელმწიფო და ერთიანი რეესტრის სისტემის მუშაობა დროებით შეჩერებულია. ამის შესახებ ინფორმაციას უკრაინული მედია ქვეყნის ვიცე-პრემიერზე, ოლგა სტეფანიშინაზე დაყრდნობით ავრცელებს.

სტეფანიშინას განცხადებით, თავდასხმა რუსი ჰაკერების მიერ იყო ორგანიზებული, რომლის მიზანსაც სამთავრობო სამსახურების ფუნქციონირების შეჩერება წარმოადგენდა.

„უკრაინის სახელმწიფო რეესტრზე კიბერშეტევა განხორციელდა, იუსტიციის სამინისტროს სახელმწიფო და ერთიანი რეესტრის სისტემის მუშაობა დროებით შეჩერებულია.

ახლა სპეციალისტებთან ერთად, კოორდინაციას ვუწევთ მუშაობას კიბერშეტევასთან დასაპირისპირებლად და სისტემების აღსადგენად. უკვე ნათელია, რომ თავდასხმა განხორციელდა რუსების მიერ, რათა სახელმწიფოს კრიტიკულად მნიშვნელოვანი ინფრასტრუქტურის ფუნქციონირება შეჩერებულიყო“,- განაცხადა უკრაინის ვიცე-პრემიერმა. 

ავტორი: ექსპრესნიუსი,

სოციალური ქსელები

პაველ დუროვი: საქართველო მნიშვნელოვან ბიზნეს ცენტრად იქცევა

სალომე ზურაბიშვილი: ევროკავშირის 21-ე სანქციების პაკეტმა ეროვნული სირცხვილი გამოავლინა

ევროკავშირის სანქციების გამო არკადი დვორკოვიჩმა FIDE-ს პრეზიდენტის უფლებამოსილება შეიჩერა

ტრამპმა რუსეთიდან იმპორტირებულ საქონელზე 12.5%-იანი ტარიფი დააწესა