ძაან გულახდილად რომ გითხრათ, მეგონა, საცემად მივყავდი იმიტომ, რომ ისე საიდუმლო ვითარებაში მეუბნებოდნენ, რომ უნდა წაგიყვანონ, მეთქი არ ეგონოთ, რომ მეშინია-თქო და ველოდებოდი ბადრაგის მანქანას. აღმოჩნდა, რომ გარეთ მიშვებდნენ და არა მცემდნენ - ეს ჯობია ყოველ შემთხვევაში,- ამის შესახებ კოალიცია „ძლიერი საქართველოს“ ერთ-ერთმა ლიდერმა, ალეკო ელისაშვილმა პატიმრობიდან გათავისუფლების შემდეგ განაცხადა.

ელისაშვილის თქმით, ახლა ის სხვა პოლიტპატიმრების გათავისუფლებისთვის იბრძოლებს.

„ძაან გულახდილად რომ გითხრათ. მეგონა, საცემად მივყავდი იმიტომ, რომ ისე საიდუმლო ვითარებაში  მეუბნებოდნენ, რომ უნდა წაგიყვანონ, მეთქი არ ეგონოთ, რომ მეშინია-თქო და ველოდებოდი ბადრაგის მანქანას. აღმოჩნდა, რომ გარეთ მიშვებდნენ და არა მცემდნენ - ეს ჯობია ყოველ შემთხვევაში.

პროკურატურას ჰქონდა სამარცხვინო პოზიცია, ელისაშვილს უცხოეთში კავშირები აქვსო. 30-იან წლებში „ტროიკა“ რომ იყო, მაშინ იძახდნენ და ასე ასამართლებდნენ მიხეილ ჯავახიშვილს თუ მაზნიაშვილს, მათ თავს კი არ ვუყადრებ, მაგრამ ასეთი არგუმენტაცია იყო მაშინ.

ახლა, ამ 10 დღეში, რა მოხდა, ახლა აღარ მივიმალები? უცხოეთში ხშირად დადიოდიო. პარლამენტის წევრი ვიყავი და დელეგაციაციებში დავდიოდი. ფაქტია რომ რაღაც მოხდა, უცხოელებმა, ალბათ, ქეჩოში მისცხეს ან რაღაც მსგავსი. ჩემთვის ძალიან დიდი შვება არაა გამოსვლა, აბსოლუტურად შეგუებული ვიყავი. პოლიტპატიმრები სანამ არ გამოვლენ, მზად ვარ დღესვე შევბრუნდე. არანაირად არ ველოდი, რომ დღეს გამომიშვებდნენ“,- განაცხადა ალეკო ელისაშვილმა.

ავტორი: ექსპრესნიუსი,

სოციალური ქსელები

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს

დიუშენის სინდრომის მქონე ბავშვების მშობლებმა საქართველოს პროკურატურას მიმართეს