თბილისში, სხვადასხვა ადგილზე ერთდროულად, რამდენიმე საპროტესტო მსვლელობა მიმდინარეობს.

გადაკეტილია მტკვრის მარცხენა სანაპიროს ნაწილი.

ამ წუთებში, საფეხბურთო კლუბების - „რეალისა“ და „ბარსელონას“ ქართველი გულშემატკივრები ფოლარმონიიდან პარლამენტისკენ მიემართებიან.

პარალელურად, საპროტესტო მსვლელობა იმართება მარჯანიშვილის მოედნის მიმდებარე ტერიტორიიდანაც, სადაც ხელოვანები იყვნენ შეკრებილი.

ხელოვანების მსვლელობას კულტურის სამინისტროსთან შეკრებილი ხელოვნებათმცოდნეები და რესტავრატორები, მტკვრის მარცხენა სანაპიროზე კი, IT სფეროს წარმომადგენლებიც შეუერთდნენ.

პროტესტის მონაწილეები საქართველოს ხელისუფლებას ხელახალი არჩევნების დანიშვნისკენ მოუწოდებენ.

შეგახსენებთ, საქართველოში საპროტესტო აქციები მე-18 დღეა იმართება. 

თბილისი და სხვა დიდი ქალაქები, მათ შორის, ბათუმი, ზუგდიდი, ქუთაისი, საპროტესტო ტალღამ მას შემდეგ მოიცვა, რაც ქვეყნის პრემიერ-მინისტრმა, ირაკლი კობახიძემ გაახმოვანა მმართველი პარტიის გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს