თბილისის საქალაქო სასამართლომ ნარკოდანაშაულის ბრალდებით დაკავებულ ექიმ გიორგი ახობაძეს აღკვეთის ღონისძიების სახით 2-თვიანი პატიმრობა შეუფარდა.

გადაწყვეტილება მოსამართლე ლელა მარიდაშვილმა გამოაცხადა.

აღსანიშნავია, რომ ახობაძე გუშინ, 9 დეკემბერს მშრალი შიმშილობიდან შიმშილობაზე ოჯახის წევრების თხოვნით გადავიდა და სითხის მიღებას დათანხმდა.

შეგახსენებთ, ექიმი გიორგი ახობაძე 8 დეკემბერს დააკავეს. მას ბრალი სისხლის სამართლის კოდექსის 260-ე მუხლის მე-6 ნაწილით წარედგინა, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს. აღნიშნული დანაშაული 8-დან 20-წლამდე ან უვადო თავისუფლების აღკვეთას ითვალისწინებს. ადვოკატ ლაშა ცუცქირიძის თქმით, სამართალდამცავებმა მის დაცვის ქვეშ მყოფს ნარკოტიკული საშუალება იმ დროს ჩაუდეს, როდესაც ახობაძე და მისი მეგობარი საპროტესტო აქციიდან სახლში ბრუნდებოდნენ.

ავტორი: ექსპრესნიუსი,

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა