2024-12-07 00:49:33, 396 ნახვა
პოლიტიკა
სპეცრაზმი თავისუფლების მოედნიდან რუსთაველის გამზირისკენ მიემართება - დააკავეს რამდენიმე პირი
თბილისში, თავისუფლების მოედნიდან სპეციალური დანიშნულების რაზმის წარმომადგენელები და სპეცტექნიკა რუსთაველის გამზირის მიმართულებით გადადგილდებიან.
პარალელურად ისმის გაფრთხილება, რომ აქციის მონაწილეები დაიშალონ, წინააღმდეგ შემთხვევაში, მათ წინააღმდეგ სპეციალური საშუალებები იქნება გამოყენებული.
სპეცრაზმის გადაადგილებასთან ერთად, პარლამენტის შენობის მიმდებარე ტერიტორიაზე მოქალაქეების დაკავება მიმდინარეობს.
ადგილზე სასწრაფო დახმარების მანქანებია მობილიზებული.
მანამდე, წყლის ჭავლის მანქანები მეტროსადგურ „თავისუფლების მოედნის“ მიმდებარე ტერიტორიასა და ჭიჭინაძის ქუჩაზე გამოჩნდა. ჭიჭინაძისა და 9 აპრილის ქუჩებზე იყო მობილიზებული სპეცრაზმი.
ავტორი: ექსპრესნიუსი,
epn.ge (@expressnews.ge)
