სტრასბურგის სასამართლომ, საქმეზე „კეზერაშვილი საქართველოს წინააღმდეგ“ გადაწყვეტილება მიიღო. როგორც საქართველოს იუსტიციის მინისტრმა, ანრი ოხანაშვილმა ცოტა ხნის წინ გამართულ ბრიფინგზე განაცხადა, სტრასბურგის სასამართლოს გადაწყვეტილებით დადასტურდა, რომ თავდაცვის ყოფილმა მინისტრმა, დავით კეზერაშვილმა სახელმწიფო ბიუჯეტიდან ქართული ჯარისთვის განკუთვნილი დიდი ოდენობით თანხა გაფლანგა.

მინისტრის თქმით, კეზერაშვილის მიმართ პოლიტიკური ნიშნით დევნას ადგილი არ ჰქონია.

„მსურს, გაგაცნოთ სტრასბრუგის სასამართლოს გადაწყვეტილება საქმეზე „კეზერაშვილი საქართველოს წინააღმდეგ“. სტრასბურგის სასამართლოს გადაწყვეტილებით დადასტურდა, რომ დავით კეზერაშვილმა თავდაცვის მინისტრობის დროს, 2008 წლის აგვისტოს ომამდე მცირე ხნით ადრე, სახელმწიფო ბიუჯეტიდან გაფლანგა ქართული ჯარისთვის განკუთვნილი დიდი ოდენობის თანხა, კერძოდ 5 მილიონ 60 ათასი ევრო, რაც დღვანდელი კურსით შეადგენს, დაახლოებით, 15 მილიონ ლარს. 

სტრასბურგის სასამართლომ დაადგინა, რომ დავით კეზერაშვილის მიმართ პოლიტიკური ნიშნით დევნას ადგილი არ ჰქონია. ასევე, საქართველოს უზენაესი სასამართლოს განაჩენი კეზერაშვილის დამნაშავედ ცნობის შესახებ იყო დასაბუთებული და მის მიმართ უდანაშაულობის პრეზუმფციის დარღვევას ადგილი არ ჰქონია“,- განაცხადა ოხანაშვილმა.

აღსანიშნავია, რომ სტრასბურგის სასამართლოს მითითებით, კეზერაშვილის მიმართ დაირღვა ადამიანის უფლებათა ევროპული კონვენციის მე-6 მუხლის (სამართლიანი სასამართლოს უფლება) პირველი პუნქტი, უზენაესი სასამართლოს ობიექტური მიუკერძოებლობის ნაკლებობის გამო.

არ დარღვეულა მე-6 მუხლის (სამართლიანი სასამართლოს უფლება) 1-ლი და მე-3 პუნქტები, უზენაესი სასამართლოს მიერ ქვედა სასამართლოების გამამართლებელი განაჩენის გაუქმებით.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს