კედელთან რამდენიმე ასეული ადამიანი მიგვიმწყვდიეს. ვხედავდი, რაღაც ნაწილი შენობაში შევიდა და იქიდან დუბინკებით გამოჰყავდათ,- ამის შესახებ თბილისში, პარლამენტთან გამართულ აქციაზე დაშავებულმა ერთ-ერთმა მოქალაქემ განაცხადა.

როგორც მოქალაქე აღნიშნავს, პოლიციელები მოქალაქეებს ინდივიდუალურად სცემდნენ და არბევდნენ.

 

„გამთენიის 6 საათს როდესაც გადაცდა ქაშვეთის ტერიტორიაზე ვიყავი. რუსთაველიდან მოდიოდა სპეცრაზმი, ასევე თავისუფლებიდანაც. გასასვლელი არ დაგვიტოვეს. ყველანი სასტუმრო მარიოტის კედელთან აღმოვჩნდით და დარბევა დაიწყეს. შემდეგ ინდივიდულურად გვცემდნენ და გვარბევდნენ.

კედელთან რამდენიმე ასეული ადამიანი მიგვიმწყვდიეს. ვხედავდი, რაღაც ნაწილი შენობაში შევიდა და იქიდან დუბინკებით გამოჰყავდათ.

პირველად ტრასაზე დამაგდეს და ცემა დამიწყეს, მეუბნებოდნენ გიცანითო.

შემდეგ მთელი ძალით სახეში ფეხი დამარტყეს, ცემას აგრძელებდნენ და მეგონა მკლავდენენ.

ცემის შემდეგ გამათრიეს დააახლოებით 100 მეტრში. ცემა ხდებოდა ეტაპობრივად, შემდეგ ჩვენთან ერთად გიორგი ბახუტაშვილი იყო და მისი თანდასწრებით შედარებით ნორმალურად გვექცეოდნენ“,- განაცხადა აქციაზე დაკავებულმა მოქალაქემ „TV პირველთან“ საუბრისას.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა