Chris Botti-სა და Sting-ის LIVE კონცერტს სოლიდარობის ფონდის ბავშვები დაესწრნენ და მათთან ერთად სამახსოვრო ფოტოები გადაიღეს. ეს დაუვიწყარი საჩუქარი ბავშვებს „საქართველოს ბანკმა“ და SOLO Lifestyle-მა მოუმზადეს.  

თითოეული თქვენთაგანის თანადგომით გადარჩენილი - შოთა, ნიკა, ლოლიტა, ნანა, ქეთი და ვიქტორი - მოუთმენლად ელოდნენ ამ მართლაც საოცარ საღამოს. გვჯერა, რომ ეს დაუვიწყარი შთაბეჭდილებები მათ დიდხანს გაჰყვებათ.

აქვე გაწოდებთ იმ ემოციებს და შთაბეჭდილებებს, რომელიც ჩვენმა ნანიკომ გაგვიზიარა კონცერტის დასრულების შემდგომ.

„ძალიან მაგარი კონცერტი იყო! ყველას ძალიან გაგვიხარდა, ძალიან მაგარი საჩუქარი იყო ჩვენთვის ყველასთვის! მადლობა სოლიდარობის ფონდს და საქართველოს ბანკს“ – ნანიკო ტუღუში.

სოლიდარობის ფონდის ადმინისტრაცია მადლობას უხდის საქართველოს ბანკს, მის გენერალურ დირექტორს და სოლიდარობის ფონდის სამეთვალყურეო საბჭოს წევრს ირაკლი გილაურს. ასევე, მადლობას ვუხდით საქართველოს მთავრობის ადმინისტრაციის უფროსის მოადგილეს და სოლიდარობის ფონდის კომისიის თავმჯდომარეს ნინო კობახიძეს.

თქვენ, ბავშვებს აუსრულეთ ის ნატვრა, რისი ახდენისაც არ სჯეროდათ. 

თითოეული თქვენთაგანის მხარდაჭერით, საქართველოს სოლიდარობის ფონდმა 215 სიმსივნით დაავადებული ბავშვისა და 22 წლამდე ასაკის ახალგაზრდის დიაგნოსტიკისა და მკურნალობის დაფინანსება დაამტკიცა, როგორც საქართველოში ასევე საზღვარგარეთ.

შემოგვიერთდით, სიკეთე გადამდებია. საქართველოს სოლიდარობის ფონდი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა