ფიზიკური ანგარიშსწორება ეს მსუბუქი ნათქვამია, ადამიანები ყვებიან, როგორ უმოწყალოდ სცემდნენ მათ სპეცრაზმელები. მათზე ხდებოდა იმდაგვარი ანგარიშსწორება, რომ ადამიანი ვნახე, რომელსაც მთელ სახეზე აქვს სისხლნაჟღენთები,- ამის შესახებ სახალხო დამცველმა, ლევან იოსელიანმა იზოლატორში მყოფი დაკავებული მოქალაქეების მონახულების შემდეგ განაცხადა.

მისი თქმით, “პოლიციის მხრიდან ამგვარი მოპყრობა სიმხეცეა და მას გამართლება არ აქვს“.

„ფიზიკური ანგარიშსწორება ეს მსუბუქი ნათქვამია, ადამიანები ყვებიან, როგორ უმოწყალოდ სცემდნენ მათ სპეცრაზმელები. მათზე ხდებოდა იმდაგვარი ანგარიშსწორება, რომ ადამიანი ვნახე, რომელსაც მთელ სახეზე აქვს სისხლნაჟღენთები. ეს არის სიმხეცე, ასეთი ფორმით ადამინების მოპყრობას გამართელბა არ აქვს. მოვუწოდებ პოლიციას არ გადაამეტონ თავიანთ უფლებამოსილებას. კანონი პირველ რიგში სამართალდამცავმა უნდა დაიცვას და არა ლინჩის წესით, მიხვიდე და სახეში მუშტები ურტყა ესეთი რამ დაუშვებელია. მოუვწოდებ სპეციალურ საგამოძიებო სამსახურს, ეფექტურად გამოიძიონ ასეთი საქმეები. ასეთი საქმეების  გამოძიების დაყოვნებამ შედეგად მოიტანა ის, რომ აქციებზე კიდევ უფრო მეტი ადამიანია ძალადობის მსხვერპლი. ეს პროცესი სადღაც თუ არ შეჩერდა, კიდევ უფრო მეტ ძალადობას მივიღებთ. ბოლოს კი, შესაძლოა ვინმე შემოაკვდეთ“,- განაცხადა იოსელიანმა.

შეგახსენებთ, რუსთაველის გამზირზე, შსს-ს თანამშრომლები სპეციალური საშუალებებით არბევდნენ მომიტინგეებს, დასდევდნენ მათ ქუჩებში და ფიზიკურად უსწორდებოდნენ. გავრცელებულ ვიდეომასალებში ჩანან დასისხლიანებული ადამიანები. 28-30 ნოემბერს, პარლამენტთან მიმდინარე აქციაზე საერთო ჯამში, 150 პირი პოლიციელის კანონიერი მოთხოვნისადმი დაუმორჩილებლობისა და წვრილმანი ხულიგნობისთვის ადმინისტრაციულ სამართალდარღვევათა კოდექსის 166 და 173-ე მუხლებით დააკავეს.

ამასთან, გამოძიება სისხლის სამართლის კოდექსის 353 -ე პრიმა და 187-ე მუხლის მეორე ნაწილებითაც მიმდინარეობს. სპეციალური საგამოძიებო სამსახურის მიერ ასევე გამოძიება დაწყებულია სამართალდამცავების მხრიდან აქციის მონაწილეების და მედიასაშუალების წარმომადგენლების მიმართ ძალადობით სამსახურებრივი უფლებამოსილების გადამეტების ფაქტებზე, საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით გამოძიება დაიწყო.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა