2024-11-29 15:26:38, 393 ნახვა
პოლიტიკა
ქუთაისში საპროტესტო აქცია მიმდინარეობს
ქუთაისში საპროტესტო აქცია მიმდინარეობს. მოქალაქეებმა რუსთაველის ქუჩა გადაკეტეს.
აქციის მონაწილეები მოქალაქეებს მოუწოდებენ, მანქანიდან გადმოვიდნენ და აქციას შეუერთდნენ.
საპროტესტო აქცია ორგანიზებულია ქუთაისის ქალთა გაერთიანების მიერ.
აქციაზე დედებთან ერთად, ასევე სხვადასხვა პროფესიის ადამიანებიც იმყოფებიან.
„რა თქმა უნდა, დღეს ქვეყანა აღარ გვაქვს. ეს იმას ნიშნავს, რომ სახელმწიფო, ფაქტობრივად, ჩამოშლილია. ჩვენ ერთი ის უნდა ვქნათ, რომ ნებისმიერ ქალაქში გამოვიდეთ ქუჩაში და გამოვთქვათ ჩვენი პროტესტი. ქვეყნის ჭირი მანამ არ გადაივლის, სანამ ჩვენ არ ვიდგებით ერთად“,- განაცხადა აქციის ერთ-ერთმა მონაწილემ.
ავტორი: ექსპრესნიუსი,
epn.ge (@expressnews.ge)
