„ქართული ოცნების“ დეპუტატები პარლამენტის შენობას ტოვებენ.

საკანონმდებლო ორგანოში აღარ იმყოფება მმართველი პარტიის საპატიო თავმჯდომარე, საპარლამენტო სიის პირველი ნომერი ბიძინა ივანიშვილი.

დეპუტატებს საკანონმდებლო ორგანოს შენობის დატოვება მოქალაქეების პროტესტის ფონზე უწევთ.

რუსთაველის გამზირზე შეკრებილმა აქციის მონაწილეებმა ახალი მოწვევის პარლამენტის მუშაობა კვერცხების სროლითა და რკინის ჯებირებზე ხელების ბრახუნით გააპროტესტეს.

მანამდე, საკანონმდებლო ორგანოში XI მოწვევის პარლამენტის პირველი პლენარული სესია გაიხსნა, სადაც 150-ვე წევრის უფლებამოსილება ოფიციალურად ცნეს. სხდომაზე ასევე შალვა პაპუაშვილი პარლამენტის თავმჯდომარედ დაამტკიცეს.

პირველ სხდომას არ ესწრებოდა ბარიერგადალახული ოპოზიციური პარტიების არცერთი წარმომადგენელი. 

სხდომაზე არ იმყოფებოდნენ ასევე საქართველოში აკრედიტებული დიპლომატიური კორპუსის წარმომადგენლები, რომლებსაც აღნიშნულ სხდომაზე დასასწრებად მოსაწვევები არ მიუღიათ. 

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა