2024-11-20 23:34:14, 378 ნახვა
პოლიტიკა
ევროკომისიის სპიკერი - საქართველოში არჩევნების შემსწავლელი მისია უახლოეს კვირებში ჩამოვა
ევროკომისიის თანახმად, საქართველოში უახლოეს კვირებში ჩამოვა ტექნიკური მისია, რომელიც 26 ოქტომბრის საპარლამენტო არჩევნების დარღვევებს შეისწავლის,- ამის შესახებ "რადიო თავისუფლებას" ევროკომისიის სპიკერმა, პიტერ სტანომ განუცხადა.
ევროკომისიის სპიკერმა საგარეო ურთიერთობათა საკითხებზე პიტერ სტანომ "რადიო თავისუფლებისთვის" გაგზავნილ წერილში აღნიშნა, რომ "საამისოდ მზადება მიმდინარეობს. მისიის შესახებ უფრო მეტი დეტალი შესაფერის დროს გახდება ცნობილი".
პიტერ სტანოს განცხადების თანახმად, ევროკავშირის წევრი სახელმწიფოების წინაშე მოხსენებით წარდგება ეუთო/ოდირის სადამკვირვებლო მისიის ხელმძღვანელი, რომელიც შეაფასებს, "როგორ უპასუხეს საჩივრებს საარჩევნო დარღვევებზე".
ავტორი: ექსპრესნიუსი,
epn.ge (@expressnews.ge)
