უკრაინის ქალაქ სუმიზე რუსეთის განხორციელებული დარტყმის შედეგად რაკეტა მოხვდა საცხოვრებელ კორპუსს. უკრაინის ეროვნული პოლიციის ცნობით, თავდასხმას 10 ადამიანი ემსხვერპლა, მათ შორის ორი ბავშვი.

სუმის საკრებულოს ინფორმაციით, თავდასხმის შედეგად დაიღუპა ცხრა წლის ბიჭი და 14 წლის გოგონა, დაიჭრა 55 ზრდასრული და 8 ბავშვი.

უკრაინის საგანგებო სიტუაციების სახელმწიფო სამსახურმა დაადასტურა დაზიანებული სახლის ნანგრევებიდან 400-ზე მეტი ადამიანის ევაკუაცია. რუსულმა რაკეტამ ჩაამტვრია მეზობელ 6 მაღალსართულიან კორპუსს მინები და განადგურდა ოთხი მანქანა.

„სუმში მოხდა სარაკეტო დარტყმა ცხრასართულიან შენობაზე, სამაშველო ოპერაცია მიმდინარეობს, ვუსამძიმრებ ოჯახებს და ახლობლებს“, - განაცხადა უკრაინის პრეზიდენტმა ვლადიმერ ზელენსკიმ თავის Telegram-ის არხზე. .

შუაღამის შემდეგ რუსეთის არმიამ სუმიზე კიდევ ერთი სარაკეტო დარტყმა განახორციელა. სუმის რეგიონალური სამხედრო ადმინისტრაციის ცნობით, თავდასხმის შედეგად ქალაქში ელექტროენერგია გაითიშა.

ავტორი: ექსპრესნიუსი,

სოციალური ქსელები

ევროკომისიის სპიკერი: უნდა გაათავისუფლონ ვახო სანაია, ყველა სხვა დაკავებული პირიც

რუმინეთის პრეზიდენტი ქვეყნის საჰაერო სივრცეში რუსული დრონის ჩამოგდებას იუწყება

კიდევ ერთი გამარტივებული პროცესი თიბისისგან თვითდასაქმებულებისთვის

ოცნების საგარეო: ვიმედოვნებთ, 6-თვიან პერიოდში EU გადახედავს ყულევის დასანქცირებას