თქვენ ხართ ევროპა, ჩვენ ვართ ევროპა და ჩვენ ყველანი ვართ ევროპა, ისევ და ისევ - არ დანებდეთ ამ გზაზე. - ამის შესახებ ფინეთის პარლამენტის თავდაცვის კომიტეტის თავმჯდომარემ იუკა კოპრამ რუსთაველზე აქციის მსვლელობისას განაცხადა.

"გამარჯობა საქართველო! მოგესალმებით ფინეთიდან. დემოკრატიას სჭირდება თავისუფალი და სამართლიანი არჩევნები და დემოკრატიას სჭირდება ხალხი. აქ ძალიან ბევრ ხალხს ვხედავ. ეს არ არის ჩემი პირველი ჩამოსვლა თბილისში. მე პირველად აქ 1978 წელს ვიყავი, როცა პატარა ბავშვი ვიყავი, როცა საბჭოთა მმართველობა იყო. როცა მე და ჩემი ოჯახი ჩამოვედით თბილისში, აქ, რუსთაველის გამზირზე, დემონსტრაციები იყო. ხალხი აპროტესტებდა საბჭოთა ენის კანონს. ქართველებმა შეძლეს, რომ საბჭოთა მთავრობას უკან დაახევინეს, რომ მას თავისი კანონი უკან წაეღო. თქვენ, ქართველებს, საპროტესტო აქციების კარგი ისტორია გაქვთ. თქვენ ყველაფერი გაქვთ, რაც საჭიროა იმისთვის, რომ დემოკრატია მოუტანოთ თქვენს ქვეყანას. ჩვენ აქ ვართ იმისთვის, რომ დემოკრატიისკენ ამ გზაზე, ევროპისკენ ამ გზაზე მხარი დაგიჭიროთ. თქვენ ხართ ევროპა, ჩვენ ვართ ევროპა. ჩვენ ყველანი ევროპა ვართ. არასდროს დანებდეთ ამ გზაზე. გჯეროდეთ თავისუფალი ევროპის! თავისუფლება გაიმარჯვებს და დემოკრატია მოვა საქართველოში" - განაცხადა ფინეთის პარლამენტის თავდაცვის კომიტეტის წარმომადგენელი იუკა კოპრამ.

ავტორი: ექსპრესნიუსი,

სოციალური ქსელები

პოლონეთში დააკავეს მამაკაცი, რომელიც ზელენსკის მკვლელობას მოუწოდებდა

საქართველოს ბანკს Student და sCool Card-ის მფლობელებისთვის სპეციალური შეთავაზება აქვს

ნაურუს მთავრობა აფხაზეთისა და ე.წ. სამხრეთ ოსეთის აღიარების გაუქმებაზე განცხადებას ავრცელებს

ქობულეთში, ზღვაში კაცი დაიხრჩო