2024-10-17 12:30:01, 359 ნახვა

---

ნაუსედა - თუ არსებული სტატუს-კვო შენარჩუნდა, არა მგონია, საქართველოს ევროინტეგრაციის გზაზე შანსი დარჩეს

თუ არსებული სტატუს-კვო შენარჩუნდა, არა მგონია, საქართველოს დარჩეს შანსი ევროინტეგრაციის გზაზე,- ამის შესახებ ლიეტუვის პრეზიდენტმა, გიტანას ნაუსედამ ბრიუსელში, ევროპული საბჭოს სხდომის დაწყებამდე, მედიის წარმომადგენლებს განუცხადა.

როგორც ნაუსედამ აღნიშნა, საპარლამენტო არჩევნები, რომელზეც ქართველმა ხალხმა საკუთარი მომავალი უნდა გადაწყვიტოს, ძალიან მნიშვნელოვანია.

"მომავალი არჩევნებიც ძალიან მნიშვნელოვანია, რადგან ქართველი ხალხი საკუთარ მომავალს გადაწყვეტს. თუ არსებული სტატუს-კვო შენარჩუნდა, არა მგონია, საქართველოს დარჩეს შანსი ევროინტეგრაციის გზაზე. თუ პროევროპული ძალები გაიმარჯვებენ, მაშინ ჩვენ შეგვიძლია, დაველოდოთ პროგრესს - ეს ძალიან გაგვახარებს",- აცხადებს ნაუსედა.

შეგახსენებთ, 17-18 ოქტომბერს, ბრიუსელში იმართება ევროპული საბჭოს სხდომა, რომელზეც საქართველოსთან დაკავშირებითაც უნდა იმსჯელონ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი