გარემოს დაცვის და სოფლის მეურნეობის სამინისტროსა და შვედეთის მთავრობის პროექტის "გადავარჩინოთ ბუნება-საქართველო" ფარგლებში, დაცული ტერიტორიების სააგენტოს 400-ზე მეტი თანამშრომელი, კვალიფიკაციის ამაღლების მიზნით, სხვადასხვა პროფესიული მიმართულებით გადამზადდა. ამის შესახებ ინფორმაციას დაცული ტერიტორიების სააგენტო ავრცელებს.

სააგენტოს ცნობით, კვალიფიკაციის ასამაღლებელი სწავლება ჩატარდა ბიომრავალფეროვნების მონიტორინგის, ფოტოხაფანგების გამოყენებისა და პირველადი მასალების დამუშავების, ტყის მართვის, კანონაღსრულების, GPS ნავიგატორის გამოყენების, მენეჯმენტის გეგმის ანგარიშგების, ტყის მავნებელთა და ფიტოპათოლოგიურ დაავადებათა მართვის სფეროებში.

"აღსანიშნავია, რომ პროექტი "გადავარჩინოთ ბუნება - საქართველო" მიზნად ისახავს საქართველოს ბუნებრივი რესურსების მდგრადი მართვის, დაცვისა და აღდგენის ხელშეწყობას, ასევე, სამინისტროსა და მასში შემავალი უწყებების ინსტიტუციური შესაძლებლობების გაძლიერებას.

ტრენინგების ციკლის დასკვნით შეხვედრას დაცული ტერიტორიების სააგენტოს თავმჯდომარის მოადგილე თამარ ხახიშვილი და პროექტის „გადავარჩინოთ ბუნება-საქართველო“ მენეჯერი ნათია ბერიძე დაესწრნენ. შეხვედრაზე ხაზი გაესვა დაცული ტერიტორიების მართვის სისტემის გაუმჯობესებისთვის კვალიფიკაციის ამაღლების ხელშეწყობის მნიშვნელობას“, - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება