2024-10-08 17:47:05, 440 ნახვა
საზოგადოება
მოქალაქის განცხადებით, დეპუტატმა დავით კაჭარავამ ტელეფონი წაართვა [ვიდეო]
მოქალაქე ონისე ოქრიაშვილი სოციალურ ქსელ "ფეისბუქზე" წერს, რომ მას დეპუტატმა, დავით კაჭარავამ ტელეფონი წაართვა.
ამასთან, ონისე ოქრიაშვილი აღნიშნავს, რომ მას შემდეგ, რაც კაჭარავამ ტელეფონი წაართვა, მას 20-მდე ადამიანი გაეკიდა.
"ჭოველიძეზე დავით კაჭარავასთვის მინდოდა მეკითხა, რომელი სიგარეტი შევუგზავნო როცა კონსტიტუციის ღალატის გამო დაიჭერენ. შორიდან ყვირილი არ მინდოდა, ახლოს მივედი, რომ მენახა, რუსის თვალები როგორია. ჰოდა, ტიპი მეცა და ტელეფონი წამართვა. ვიდეო წყდება. მერე გამოდის ოცი ტიპი და მომსდევს ძველბიჭური ფრაზებით. გამვლელებს ვთხოვ, რომ პატრულში დარეკეთ-მეთქი და არავინ ყური არ შეიბერტყა. რა ვიცი აბა. წადით არჩევნებზე 26-ში", - წერს ონისე ოქრიაშვილი და შესაბამის ვიდეოკადრებსაც აქვეყნებს.
ავტორი: ექსპრესნიუსი,
epn.ge (@expressnews.ge)
