პრემიერ-მინისტრობის კანდიდატზე, კონკრეტულ სახელსა და გვარზე საუბარი ამ ეტაპზე არ ყოფილა,- ამის შესახებ "ერთიანობა-ნაციონალური მოძრაობის" ლიდერმა, თინა ბოკუჩავამ პრეზიდენტ სალომე ზურაბიშვილთან შეხვედრის შემდეგ განაცხადა.

როგორც ბოკუჩავამ მედიის წარმომადგენლებთან საუბრისას აღნიშნა, მთავარი გამარჯვების მოპოვებაა.

"პრეზიდენტს კარგად ესმის და მე მოხარული ვარ, რომ ჩვენ ეს ურთიერთგაგება გვაქვს, რომ ახლა მთავარია გამარჯვების მოპოვება. გამარჯვება უნდა მოიპოვონ პოლიტიკურმა პარტიებმა ქართველ ხალხთან ერთად, რისთვისაც აუცილებელია ძალიან კამპანია...

არის საკითხები, რომლებზეც აპრიორი ვთანხმდებით. ეს არის ის, რომ მომავალი მთავრობა იქნება კოალიციური; ის, რომ პრეზიდენტის როლი ამ კოალიციურ მოლაპარაკებებში იქნება ძალიან მნიშვნელოვანი და რომ ეს მოლაპარაკებები აუცილებლად წარმატებით უნდა დასრულდეს. ეს დამოკიდებულია არა მხოლოდ "ერთიანობა-ნაციონალურ მოძრაობაზე", არამედ სხვა პოლიტიკურ გუნდებზე.

ჩვენ ასევე გავუზიარეთ ჩვენი სურვილი პრეზიდენტს, რომ შევხდეთ პარტიებს, რომლებიც ჩვენი მომავალი კოალიციური პარტნიორები იქნებიან",- განაცხადა ბოკუჩავა.

შეგახსენებთ, საქართველოს პრეზიდენტი სალომე ზურაბიშვილი პოლიტიკურ პარტიებთან კონსულტაციებს მართავს. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს