2024-10-01 14:40:17, 483 ნახვა

---

ფილაშკინი - უგლედარიდან ყველა ბავშვი ევაკუირებულია - ქალაქში ჰუმანიტარული დახმარების შეტანა თითქმის შეუძლებელია

უგლედარიდან ყველა ბავშვი ევაკუირებულია - დასახლებულ პუნქტში 107 მცხოვრები რჩება,- ამის შესახებ დონეცკის სამხედრო საოლქო ადმინისტრაციის ხელმძღვანელი ვადიმ ფილაშკინი Telegram-ზე წერს.

მისი განცხადებით, უგლედარში ბრძოლები მიმდინარეობს - ამიტომ, დასახლებულ პუნქტში ჰუმანიტარული დახმარების შეტანა თითქმის შეუძლებელია.

"ბრძოლები მიმდინარეობს ქალაქის შიგნით. ამიტომ, ჰუმანიტარული დახმარების შეტანა თითქმის შეუძლებელია. უგლედარში კვლავ 107 ადამიანი რჩება. საბედნიეროდ, იქიდან ყველა ბავშვი ევაკუირებულია“,- წერს ფილაშკინი.

აღსანიშნავია, რომ მანამდე სოციალურ ქსელებში გავრცელდა კადრები, რომლის მიხედვითაც, უგლედარის ერთ-ერთი შენობის თავზე რუსმა სამხედროებმა რუსეთის დროშა აღმართეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი