|
2024-09-26 16:53:26, 341 ნახვა
პოლიტიკა
მდინარაძე - თალაკვაძესთან, ოდიშარიასა და წილოსანთან, რომლებიც საარჩევნო სიაში არ არიან, სხვადასხვა პოზიციაზე კონსულტაციები მიმდინარეობს
საპარლამენტო უმრავლესობის იმ წევრებთან, რომლებიც საარჩევნო სიაში ვერ მოხვდნენ, აღმასრულებელ ორგანოებში, სხვადასხვა პოზიციაზე კონსულტაციები მიმდინარეობს,- ამის შესახებ "ქართული ოცნების" აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა. როგორც მდინარაძემ აღნიშნა, კონსულტაციები მათ შორის არჩილ თალაკვაძესთან, ხატია წილოსანსა და ბექა ოდიშარიასთან მიმდინარეობს. "გარდა იმისა, რომ არჩილ თალაკვაძე ჩვენი ერთგული თანამებრძოლია, ის პროფესიონალი კადრია და ეს ყველამ იცით. მასთან მიმდინარეობს ძალიან სერიოზულ თემაზე კონსულტაციები და სანამ შეთანხმება არ მოხდება, ამის თქმის უფლება არ მაქვს. ასევე, არიან სხვა ადამიანები, მაგალითად ბექა ოდიშარიასთან მიმდინარეობს კონკრეტულ მიმართულებაზე კონსულტაციები. მაგალითად, ხატია წილოსანი, რომლის მიმართაც პრემიერის მხრიდან იყო შეთავაზება დიპლომატიურ სამსახურში ერთ-ერთ საპასუხისმგებლო პოზიციაზე. ელგუჯა გოცირიძემ თავად თქვა, რომ მას ურჩევნია დაბრუნდეს ბიზნესში და სრულფასოვნად ჩაერთოს. დანარჩენებთან მიმდინარეობს ძალიან სერიოზული კონსულტაციები კონკრეტული მიმართულებებით აღმასრულებელ სფეროში. შესაბამისად, ისინი ჩაამთავრებენ ამ მოწვევის პარლამენტში მუშაობას, რის შემდეგაც აღმასრულებელ ორგანოებში გადაინაცვლებენ სხვადასხვა ძალიან მნიშვნელოვან პოზიციებზე", - განაცხადა მდინარაძემ. ცნობისთვის, დღეს, 26 სექტემბერს "ქართულმა ოცნებამ" 170-კაციანი საარჩევნო სია გამოაქვეყნა.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ოდესაში, რუსული სამხედრო თავდასხმის შედეგად 16 ადამიანი დაშავდა
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)