2024-09-25 17:59:33, 333 ნახვა
მსოფლიო
მედია - რობერტ ფიცოს კონვერტით ტყვია გაუგზავნეს
სლოვაკეთის პრემიერ-მინისტრ რობერტ ფიცოს კონვერტით ტყვია გაუგზავნეს. ამის შესახებ ინფორმაციას ადგილობრივი მედია ავრცელებს.
როგორც მედია იტყობინება, სლოვაკეთის მთავრობის ადმინისტრაციის შენობაში ინციდენტი დღეს დილით მოხდა.
მათივე ცნობით, ფიცოსთვის განკუთვნილი ფოსტის შემოწმებისას, კონსტიტუციური თანამდებობის პირებისა და დიპლომატიური მისიების დაცვის ოფისის წევრები წააწყდნენ კონვერტს, რომელმაც მათი ყურადღება მიიპყრო, შემდგომმა რენტგენოლოგიურმა შემოწმებამ კი აჩვენა, რომ კონვერტში ტყვია იყო.
მომხდართან დაკავშირებით დაწყებულია გამოძიება.
ავტორი: ექსპრესნიუსი,
epn.ge (@expressnews.ge)
