2024-09-20 17:35:20, 380 ნახვა
მსოფლიო
ჰერცოგი - ჩვენ არ გვინდა ომი, მაგრამ გვაქვს უფლება, როგორც ნებისმიერ ერს, მშვიდობიანად და უსაფრთხოდ ვიცხოვროთ
ჩვენ არ გვინდა ომი, მაგრამ გვაქვს უფლება, როგორც ნებისმიერ ერს, მშვიდობიანად და უსაფრთხოდ ვიცხოვროთ, - ამის შესახებ ისრაელის პრეზიდენტი ისააკ ჰერცოგი სოციალურ ქსელ X-ზე წერს.
ჰერცოგის თქმით, ღამით ისრაელის საჰაერო ძალების მიერ ლიბანის მიმართულებით განხორციელებული დარტყმები "ზუსტი და შთამბეჭდავი" იყო.
"ჩვენ არ გვსურდა ეს ომი. ჩვენ არ გვინდა ომი, არც დღეს და არც არასდროს მოგვინდება, მაგრამ ჩვენ გვაქვს უფლება, როგორც ნებისმიერ ერს, ვიცხოვროთ ისე, როგორც ნებისმიერი ერი ცხოვრობს - მშვიდობიანად, უსაფრთხოდ და მშვიდად. გვაქვს უფლება, დავაბრუნოთ მძევლები საკუთარ ოჯახებში", - წერს ჰერცოგი.
ავტორი: ექსპრესნიუსი,
epn.ge (@expressnews.ge)
