2024-08-21 15:11:56, 434 ნახვა
მსოფლიო
სომხეთში „დასავლეთ ნილოსის“ ცხელებით ინფიცირების 58 შემთხვევა გამოვლინდა
სომხეთში "დასავლეთ ნილოსის" ცხელებით ინფიცირების 58 შემთხვევა გამოვლინდა, - ამის შესახებ ჯანდაცვის სამინისტროს დაავადებათა კონტროლისა და პრევენციის ეროვნული ცენტრის გენერალურმა დირექტორმა, სტეპან ატოიანმა განაცხადა.
ატოიანის თქმით, 41 ადამიანი ჰოსპიტალიზებულია, 4 პაციენტის მდგომარეობა მძიმეა, დანარჩენების კი საშუალო სიმძიმის.
ვირუსის პირველი შემთხვევა 7 აგვისტოს არაგაწოტნის რაიონში დაფიქსირდა.
ამჟამად ვირუსის გავრცელების სავარაუდო არეალად არაგაწოტნის, არმავირისა და არარატის რაიონები მოიაზრება.
ვირუსის გავრცელება დაინფიცირებული კოღოების საშუალებით ხდება და ადამიანიდან ადამიანზე არ გადადის.
ავტორი: ექსპრესნიუსი,
epn.ge (@expressnews.ge)
