2024-08-17 11:13:01, 522 ნახვა
მსოფლიო
რუსეთის საგარეო საქმეთა სამინისტროში იტალიის ელჩი დაიბარეს
რუსეთის საგარეო საქმეთა სამინისტროში იტალიის ელჩი დაიბარეს. ამის შესახებ ინფორმაციას Reuters-ი ავრცელებს.
რუსეთის ხელისუფლება იტალიის საზოგადოებრივი მაუწყებლის RAI-ის კორესპონდენტს, რომელიც კურსკის ოლქში უკრაინის მიერ დაკავებული ტერიტორიიდან სამხედრო ოპერაციას აშუქებს, საზღვრის უკანონო კვეთაში ადანაშაულებს.
„ელჩს მტკიცე პროტესტი გამოუცხადეს იტალიური სახელმწიფო ტელერადიოკომპანია RAI-ს გადამღები ჯგუფის ქმედებებთან დაკავშირებით, რომელმაც უკანონოდ შეაღწია რუსეთის ფედერაციის ტერიტორიაზე, კურსკის ოლქზე უკრაინელი მებრძოლების დანაშაულებრივი ტერორისტული თავდასხმის გასაშუქებლად“, - აცხადებენ სამინისტროში.
ავტორი: ექსპრესნიუსი,
epn.ge (@expressnews.ge)
