2024-08-12 13:49:12, 887 ნახვა
მსოფლიო
აშშ ახლო აღმოსავლეთში წყალქვეშა ნავ USS Georgia-ს აგზავნის
ამერიკის შეერთებული შტატები ახლო აღმოსავლეთში წყალქვეშა ნავ USS Georgia-ს აგზავნის. ამის შესახებ ინფორმაციას პენტაგონი ავრცელებს.
აშშ-ის თავდაცვის მდივნის, ლოიდ ოსტინსა და მისი ისრაელელი კოლეგის, იოავ გალანტის სატელეფონო საუბრიდან ირკვევა, რომ რეგიონში ვითარების დაძაბვის გამო, აშშ ისრაელის დასაცავად პოზიციებს გააძლიერებს.
აშშ-ში განაცხადეს, რომ ვაშინგტონი ყველა ზომას მიმართავს, რათა დაიცვას ისრაელი ირანის შესაძლო თავდასხმისგან.
ამ მიზნით ლოიდ ოსტინმა უკვე გასცა განკარგულება, რომ ახლო აღმოსავლეთში დაჩქარდეს ავიამზიდ „აბრაამ ლინკოლნის“ გადაყვანა, რომელიც აღჭურვილია F-35C-ის ტიპის სამხედრო თვითმფრინავებით და ასევე რეგიონში გაიგზავნოს მართვადი რაკეტებით აღჭურვილი წყალქვეშა ნავი USS Georgia.
ავტორი: ექსპრესნიუსი,
epn.ge (@expressnews.ge)
