2024-08-12 13:07:09, 364 ნახვა

---

მელია მასზე განხორციელებულ თავდასხმაზე - ხელისუფლების დაკარგვის მოლოდინში ყველა მილევადი რეჟიმი ასე იქცევა

"კოალიცია ცვლილებისთვის" ერთ-ერთი ლიდერი ნიკა მელია სამტრედიაში მასზე განხორციელებულ თავდსხმას "შეშინებული რეჟიმის საქციელს" უწოდებს და აცხადებს, რომ 26 ოქტომბრის არჩევნებმა უნდა დაასრულოს ის პრაქტიკა, რაც ქართულ პოლიტიკაში 30 წლის განმავლობაში არსებობს.

მისი თქმით, "ყველა ხელისუფლება, ხელისუფლების დაკარგვის მოლოდინში უკანასკნელი 30 წლის განმავლობაში ასე იქცეოდა".

"მილევადი რეჟიმების საქციელია, ყველა მილევადი რეჟიმი ასე იქცევა და ივანიშვილის რეჟიმი არაა განსხვავებული ამ მხრივ. ტრაგედია ის არის, რომ ყველა ხელისუფლება, ხელისუფლების დაკარგვის მოლოდინში ასე იქცეოდა უკანასკნელი 30 წლის განმავლობაში. მაგრამ წელს 26 ოქტომბერს დასრულდება არა მხოლოდ “ქართული ოცნება“, არამედ დასრულდება ყველა ის მანკიერი პრაქტიკა, რომელსაც უარსებია ამ ქვეყანაში და გაიმარჯვებს კოალიცია და ჩამოყალიბდება ახალი პოლიტიკური კულტურა. ვიქნებით ყველგან, ვიქნებით სიმართლით და მორალური უპირატესობით. შეუძლებელია, ეს ქვეყანა ბიძინა ივანიშვილმა გადააქციოს პროვინციულ ფეოდალიზმად; შეუძლებელია, ხალხის ნება არ აისახოს 26 ოქტომბერს არჩევნების შედეგებში",- განაცხადა მელიამ.

შეგახსენებთ, გუშინ 11 აგვისტოს პარტია "ახალის" თანათავმჯდომარე ნიკა მელიას სამტრედიაში თავს დაესხნენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი